ട്രിപ്പിള്‍ ലോക്ക്ഡൗണ്‍: മാര്‍ഗരേഖ ഇന്ന് പുറത്തിറങ്ങും

തിരുവനന്തപുരം | കൊവിഡ് വ്യാപന തോത് അതിരൂക്ഷമായ സാഹചര്യത്തില്‍ സംസ്ഥാനത്തെ നാല് ജില്ലകളില്‍ തിങ്കളാഴ്ച മുതല്‍ ഏര്‍പ്പെടുത്തുന്ന ട്രിപ്പിള്‍ ലോക്ക്ഡൗണിന്റെ മാര്‍ഗരേഖ ഇന്ന് പുറത്തിറങ്ങും. മലപ്പുറം, തൃശൂര്‍, എറണാകുളം, തിരുവനന്തപുരം ജില്ലകളിലാണ് തിങ്കളാഴ്ച മുതല്‍ ട്രിപ്പിള്‍ ലോക്ക്ഡൗണ്‍ ഏര്‍പ്പെടുത്തുന്നത്.

ട്രിപ്പിള്‍ ലോക്ക്ഡൗണ്‍ നിലവില്‍ വരുന്നതോടെ ഈ ജില്ലകളില്‍ കര്‍ശന നിയന്ത്രണങ്ങളുണ്ടാകും. കടകള്‍ തുറക്കാനുള്ള സമയം ചുരുക്കിയേക്കും. എല്ലാ ജില്ലകളിലും ടിപിആര്‍ കൂടിയ സാഹചര്യത്തില്‍ സംസ്ഥാന വ്യാപകമായ ലോക്ക്ഡൗണ്‍ മെയ് 23വരെ നീട്ടിയിരുന്നു.ആരോഗ്യ വകുപ്പ് അടക്കമുള്ള വിവിധ വകുപ്പുകളുടെ ശിപാര്‍ശയെ തുടര്‍ന്നാണ് ലോക്ക്ഡൗണ്‍ നീട്ടിയത്.