സംസ്ഥാനത്ത് സമ്പൂര്‍ണ ലോക്ഡൗണ്‍ വേണ്ട; വാരാന്ത്യ നിയന്ത്രണം തുടരും

തിരുവനന്തപുരം | സംസഥാനത്ത് കൊവിഡ് വ്യാപനം രൂക്ഷമാണെങ്കിലും ഇപ്പോള്‍ സമ്പൂര്‍ണ ലോക്ഡൗണ്‍ ആവശ്യമില്ലെന്ന് സര്‍വകക്ഷി യോഗം. അതേസമയം ശനി, ഞായര്‍ ദിവസങ്ങളിലെ പൂര്‍ണ നിയന്ത്രണം തുടരുവാനും മുഖ്യമന്ത്രി വിളിച്ചു ചേര്‍ത്ത സര്‍വകക്ഷി യോഗത്തില്‍ തീരുമാനമായി.

ലോക്ഡൗണ്‍ ഇല്ലെങ്കിലും നിയന്ത്രണം ശക്തമായി തുടരും. കൊവിഡ് വ്യാപനം രൂക്ഷമായ സ്ഥലങ്ങളില്‍ ലോക്ഡൗണിന് സമാനമായ നിയന്ത്രണം ഏര്‍പെടുത്തും. കടകളുടെ പ്രവര്‍ത്തി സമയം വൈകീട്ട് ഏഴര വരെ ആക്കി നിജപ്പെടുത്താനും തീരുമാനമായി.

മെയ് രണ്ടിന് വോട്ടെണ്ണല്‍ ദിനത്തില്‍ ആഹ്ലാദ പ്രകടനം നടത്തേണ്ടതില്ലെന്നും രാഷ്ട്രീയ പാര്‍ട്ടി പ്രതിനിധികള്‍ തീരുമാനിച്ചു.