തൃശൂര്‍ പൂരം പകിട്ടോടെ നടത്തും; 45 വയസിന് മുകളിലുള്ളവര്‍ക്ക് വാക്സിനേഷന്‍ സര്‍ട്ടിഫിക്കറ്റ് നിര്‍ബന്ധം

തൃശൂര്‍ | തൃശൂര്‍ പൂരം പകിട്ടോടെ തന്നെ നടത്താന്‍ തീരുമാനം. ചടങ്ങുകള്‍ മാറ്റമില്ലാതെ എന്നാല്‍ നിയന്ത്രണങ്ങളോടെ നടത്തും. ചീഫ് സെക്രട്ടറിയുടെ അധ്യക്ഷതയില്‍ ചേര്‍ന്ന യോഗത്തിലാണ് തീരുമാനം.
പൂരത്തിനെത്തുന്നവര്‍ മാസ്‌ക്ക് നിര്‍ബന്ധമായും ധരിച്ചിരിക്കണം. 45 വയസിന് മുകളിലുള്ളവരുടെ കൈവശം വാക്സിനേഷന്‍ എടുത്തതിന്റെ സര്‍ട്ടിഫിക്കറ്റ് ഉണ്ടാകണം.

നിയന്ത്രണ വിധേയമായിട്ടാകും പൂരപ്പറമ്പിലേക്ക് ആളുകളെ പ്രവേശിപ്പിക്കുക.10 വയസ്സില്‍ താഴെയുള്ള കുട്ടികളെ പ്രവേശിപ്പിക്കില്ല. പൂരത്തിന്റെ മുന്നൊരുക്കങ്ങള്‍ വിലയിരുത്തുന്നതുള്‍പ്പെടെയുള്ള കാര്യങ്ങള്‍ക്കായി തൃശൂര്‍ പൂര നടത്തിപ്പുമായി ബന്ധപ്പെട്ട് രൂപം നല്‍കിയ പ്രത്യേക സമിതിയും ഇന്ന് യോഗം ചേരുന്നുണ്ട്. 23നാണ് തൃശൂര്‍ പൂരം. 17ന് കൊടിയേറും.