ഗോപിനാഥിനെ പാര്‍ട്ടിക്കും നാടിനും വേണമെന്ന് ഉമ്മന്‍ചാണ്ടി; ചര്‍ച്ചയില്‍ തൃപ്തനെന്ന് ഗോപിനാഥ്

പാലക്കാട്  | രാത്രി ഏറെ വൈകി എ വി ഗോപിനാഥിന്റെ വീട്ടിലെത്തിയ ഉമ്മന്‍ചാണ്ടി അദ്ദേഹവുമായി അനുനയ ചര്‍ച്ചകള്‍ നടത്തി. ഗോപിനാഥിനെ പാര്‍ട്ടിക്കും നാടിനും ആവശ്യമുണ്ടെന്ന് ചര്‍ച്ചക്ക് ശേഷം ഉമ്മന്‍ ചാണ്ടി മാധ്യമങ്ങളോട് പറഞ്ഞു. ഗോപിനാഥ് ആവശ്യപ്പെട്ടത് വ്യക്തിപരമായ കാര്യങ്ങളല്ല, മറിച്ച് പാര്‍ട്ടിയെ ശക്തിപ്പെടുത്താനുള്ള കാര്യങ്ങളാണ്. അത് തീര്‍ച്ചയായും ഉള്‍ക്കൊള്ളുമെന്ന് ഉമ്മന്‍ ചാണ്ടി പറഞ്ഞു.

ഗോപിയെ ഞങ്ങള്‍ക്ക് വേണം. പാര്‍ട്ടിക്കും നാടിനും വേണം. പൂര്‍ണമായും കൂടെയുണ്ടാകണമെന്ന് പറഞ്ഞിട്ടുണ്ട്. അത് പൂര്‍ണമായും ഉള്‍ക്കൊള്ളുമെന്ന് വിശ്വസിക്കുന്നു. ഒരു വ്യക്തിയെന്ന നിലയിലല്ല ഞാന്‍ വന്നിരിക്കുന്നത്. പാര്‍ട്ടിയുമായി ആലോചിച്ചാണ്. എല്ലാ തലങ്ങളിലും ഒരു നല്ല അന്തരീക്ഷം ഉണ്ടാക്കി മുന്നോട്ട് പോകണം. ബിജെപിക്കും മാര്‍ക്സിസ്റ്റ് ഭരണത്തിനുമെതിരായ മുന്നേറ്റത്തില്‍ സമാന ചിന്താഗതിയുള്ള മുഴുവന്‍ ആളുകളും ഒറ്റക്കെട്ടായി നീങ്ങണം. അതിന് ഗോപിയെ പോലുള്ളവരുടെ നേതൃത്വം ആവിശ്യമാണ്”.

ഉമ്മന്‍ ചാണ്ടിയുമായി നടത്തിയ ചര്‍ച്ചയില്‍ താന്‍ തൃപ്തനാണെന്ന് മറുപടിയായി എവി ഗോപിനാഥും മാധ്യമങ്ങളോട് പ്രതികരിച്ചു