കൊട്ടിഘോഷിച്ച് ഇറക്കിയ രണ്ടായിരം നോട്ടിന്റെ അച്ചടി നിര്‍ത്തിയിട്ട് രണ്ട് വര്‍ഷം

ന്യൂഡല്‍ഹി | പ്രധാനമന്ത്രി നരേന്ദ്ര മോദിയുടെ പ്രധാന നേട്ടമായി അവതരിപ്പിക്കപ്പെട്ട രണ്ടായിരം നോട്ടിന്റെ അച്ചടി കഴിഞ്ഞ രണ്ട് വര്‍ഷമായി നടത്തുന്നില്ല. ചോദ്യത്തിന് മറുപടിയായി ധനമന്ത്രാലയം പാര്‍ലിമെന്റിനെ അറിയിച്ചതാണിത്. 2016ലാണ് 500, 1000 നോട്ടുകള്‍ പിന്‍വലിച്ച് രണ്ടായിരം രൂപയുടെ കറന്‍സി ഇറക്കിയിരുന്നത്.

2019- 20, 2020- 21 സാമ്പത്തിക വര്‍ഷങ്ങളില്‍ രണ്ടായിരം രൂപ പുതുതായി അച്ചടിച്ചിട്ടില്ലെന്ന് ധനകാര്യ സഹമന്ത്രി അനുരാഗ് ഠാക്കൂര്‍ അറിയിച്ചു. എം ഡി എം കെയുടെ എം പിയായ എ ഗണേഷമൂര്‍ത്തിയാണ് ഈ ചോദ്യം ഉന്നയിച്ചിരുന്നത്.

രാജ്യത്ത് രണ്ടായിരം നോട്ടിന്റെ വിനിമയം വളരെയേറെ കുറഞ്ഞിട്ടുണ്ട്. പല ബേങ്കുകളുടെയും എ ടി എമ്മുകളില്‍ ഇവ കിട്ടാനുമില്ല.