മുസ്ലിം ലീഗ് കോണ്‍ഗ്രസിനെ വിഴുങ്ങുന്നു: ചെറിയാന്‍ ഫിലിപ്പ്

തിരുവനന്തപുരം | മുസ്ലിം ലീഗിന് കഴിഞ്ഞ തവണ മത്സരിച്ചതിനേക്കാള്‍ മൂന്ന് സീറ്റ് അധികം ലഭിക്കുമെന്ന റിപ്പോര്‍ട്ടുകളോട് പ്രതികരിച്ച് നവകേരളം കര്‍മ പദ്ധതി കോ-ഓഡിനേറ്റര്‍ ചെറിയാന്‍ ഫിലിപ്പ്. കോണ്‍ഗ്രസിനെ മുസ്ലിം ലീഗ് വിഴുങ്ങുകയാണെന്നും ത്രിവര്‍ണ്ണത്തില്‍ പച്ചയേറുകയാണെന്നും ചെറിയാന്‍ ഫിലിപ്പ് പറഞ്ഞു.
“മുസ്ലിം ലീഗ് കോണ്‍ഗ്രസിനെ വിഴുങ്ങുന്നു. മത്സരിക്കുന്ന സീറ്റ് 12ല്‍ നിന്നും ഇപ്പോള്‍ 27ആയി. രണ്ട് മന്ത്രി എന്നത് അഞ്ചായി. ത്രിവര്‍ണത്തില്‍ പച്ചയേറുന്നു,” ചെറിയാന്‍ ഫിലിപ്പ് ഫേസ്ബുക്ക് പോസ്റ്റില്‍ പറഞ്ഞു.

കഴിഞ്ഞ ദിവസമാണ് ലീഗിന് കൂടുതല്‍ സീറ്റുകള്‍ നല്‍കാന്‍ ധാരണയായത്. ചേലക്കര, ബേപ്പൂര്‍, കൂത്ത്പറമ്പ് സീറ്റുകളാണ് അധികം നല്‍കുന്നത്. എന്നാല്‍ പി ജെജോസഫുമായുള്ള ചര്‍ച്ചകള്‍ പൂര്‍ത്തിയായ ശേഷം മാത്രമേ ലീഗിന്റെ സ്ഥാനാര്‍ത്ഥികളെയും മണ്ഡലവും ഔദ്യോഗികമായി പ്രഖ്യാപിക്കുകയുള്ളു.