Science
പക്ഷിപ്പനിയടക്കമുള്ള രോഗങ്ങളില്‍ നിന്ന് വളര്‍ത്തുപക്ഷികളെ സംരക്ഷിക്കാന്‍ ഡി എന്‍ എ ബേങ്ക്
ന്യൂഡല്‍ഹി | പക്ഷിപ്പനി പോലുള്ള രോഗങ്ങളില്‍ നിന്ന് സുരക്ഷ ലഭിക്കുന്ന ഉന്നത ഗുണമേന്മയുള്ള വളര്‍ത്തുപക്ഷി ഇനങ്ങളെ സംരക്ഷിക്കുന്നതിന് ജനിതക ബേങ്ക് സ്ഥാപിക്കാന്‍ സെൻട്രല്‍ ഏവിയന്‍ റിസര്‍ച്ച് ഇന്‍സ്റ്റിറ്റ്യൂട്ട് (കാരി). ജീവിഇനങ്ങളുടെ പുനരുത്പാദനത്തിന് ആവശ്യമായ ജനിതക വസ്തുക്കള്‍ സംഭരിക്കുന്നതാണ് ജനിതക ബേങ്ക് അല്ലെങ്കില്‍ ഡി എന്‍ എ ബേങ്ക്. അണ്ഡം, ബീജം, മറ്റ് കോശങ്ങള്‍, ടിഷ്യൂ തുടങ്ങിയവയാണ് ഡി എന്‍ എ ബേങ്കില്‍ സാധാരണ സംഭരിക്കുക.
നൈട്രജന്‍ ദ്രാവകം പോലുള്ളവയിലാണ് ഇവ സൂക്ഷിച്ചുവെക്കുക. വളര്‍ത്തു പക്ഷികളുടെ ഡി എന്‍ എ ബേങ്ക് സ്ഥാപിക്കാനുള്ള പ്രവൃത്തികള്‍ ആരംഭിച്ചതായി യു പിയിലെ ബറേലി ആസ്ഥാനമായി പ്രവര്‍ത്തിക്കുന്ന കാരി ഡയറക്ടര്‍ സഞ്ജീവ് കുമാര്‍ അറിയിച്ചു. രാജ്യത്തെ ആദ്യ വളര്‍ത്തുപക്ഷി ഡി എന്‍ എ ബേങ്ക് ആകുമിത്.
കോഴി, ടര്‍ക്കി, കാട എന്നിവയുടെ വികസിക്കാത്ത മുട്ടകളായ ഓവ, ബീജം തുടങ്ങിയവയാണ് സംഭരിക്കുക. ആദ്യ ഘട്ടത്തില്‍ സ്ഥാപനത്തിലുള്ള വളര്‍ത്തുപക്ഷികളുടെ ജനിതക വസ്തുക്കളാണ് ശേഖരിക്കുക. കാരിയുടെ സഹോദര സ്ഥാപനമായ ഇന്ത്യന്‍ വെറ്ററിനറി റിസര്‍ച്ച് ഇന്‍സ്റ്റിറ്റ്യൂട്ട് (ഇവ്‌റി) മൂന്ന് വര്‍ഷം മുമ്പ് വന്യമൃഗങ്ങളുടെ ജനിതക ബേങ്ക് വികസിപ്പിച്ചിരുന്നു.
Latest
ചരക്ക് ട്രെയിനിന് തീപ്പിടിച്ച സംഭവത്തിൽ അട്ടിമറി സാധ്യത പരിശോധിക്കുന്നു; പാളത്തിൽ വിള്ളൽ കണ്ടെത്തി
ദുബൈയില്‍ കരാര്‍ മേഖലക്ക് പുതിയ നിയമം; നഗരവികസന, സാമ്പത്തിക വളര്‍ച്ചക്കായി വ്യക്തമായ ചട്ടക്കൂട് രൂപപ്പെടുത്തുക ലക്ഷ്യം
ഹൃദയാഘാതത്തെ തുടര്‍ന്ന് യുവാവ് റോഡില്‍ കുഴഞ്ഞുവീണു; യാദൃച്ഛികമായി എത്തിയ ഡോക്ടര്‍ രക്ഷകനായി
മണ്ണാര്‍ക്കാട് സി പി എം ഏരിയാ കമ്മിറ്റി ഓഫീസിനു നേരെ പടക്കമേറ്; സി പി എം പ്രവര്‍ത്തകന്‍ അറസ്റ്റില്‍
അല്‍ നഹ്ദയില്‍ മലയാളി യുവതിയും കുഞ്ഞും മരിച്ച സംഭവം: ഫോറന്‍സിക് റിപോര്‍ട്ട് പുറത്ത്
യോഗ്യതയില്ലാത്ത വിദേശ നിക്ഷേപകര്‍ക്ക് ക്രെഡിറ്റ് സൂയിസ് ബോണ്ടുകള്‍ വിറ്റു; എച്ച് ഡി എഫ് സി ബേങ്കിനെതിരെ ഇന്ത്യയില്‍ അന്വേഷണം
