National
ധനമന്ത്രി നിര്മല സീതാരാമനു നേരെ കോണ്ഗ്രസ് പ്രവര്ത്തകരുടെ കരിങ്കൊടി പ്രതിഷേധം
മുംബൈ | പൊതുപരിപാടിക്കെത്തിയ കേന്ദ്ര ധനമന്ത്രി നിര്മലാ സീതാരാമനു നേരെ കോണ്ഗ്രസ് പ്രവര്ത്തകരുടെ കരിങ്കൊടി പ്രതിഷേധം. കേന്ദ്ര ബജറ്റിനെതിരെയും ഇന്ധന വില വര്ധനവിനെതിരെയുമായിരുന്നു പ്രവര്ത്തകരുടെ പ്രതിഷേധം.
ദാദറില് ഒരു സംവാദ പരിപാടിക്ക് എത്തിയ ധനമന്ത്രിക്കെതിരെ കോണ്ഗ്രസ് പ്രവര്ത്തകര് മുദ്രാവാക്യം വിളിക്കുകയും കരിങ്കൊടി വീശുകയുമായിരുന്നു. എന്നാല് മന്ത്രിയുടെ അടുത്തെത്താനുള്ള ശ്രമം പോലീസ് തടഞ്ഞു.
കേന്ദ്ര ബജറ്റിനെതിരെയും അവശ്യ വസ്തുക്കളുടേയും പെട്രോള്, ഡീസല്, പാചക വാതകം, റെയില്വേ നിരക്കുകള് എന്നിവയുടെ വര്ധനവിനെതിരേയും പ്രവര്ത്തകര് മുദ്രാവാക്യം വിളിച്ചു. പ്രതിഷേധം സമാധാനപരമായാണ് നടന്നതെന്നും അനിഷ്ട സംഭവങ്ങളൊന്നും റിപ്പോര്ട്ട് ചെയ്യപ്പെട്ടിട്ടില്ലെന്നും ഡെപ്യൂട്ടി പോലീസ് കമ്മീഷണര് വിജയ് പാട്ടീല് പറഞ്ഞു.
---- facebook comment plugin here -----