Covid19
ആശ്വാസ ദിനം; സഊദിയില് പ്രതിദിന കൊവിഡ് മരണ നിരക്ക് കുറഞ്ഞു
ദമാം | സഊദിയില് രാജ്യത്ത് പ്രതിദിന കൊവിഡ് മരണ നിരക്കില് ഏറ്റവും കുറവ് രേഖപ്പെടുത്തിയതോടെ രാജ്യത്ത് ഇന്ന് ആശ്വാസ ദിനം. രണ്ട് പേരാണ് ഇന്ന് മരണപ്പെട്ടത്. കൊവിഡ് വ്യാപനത്തിന് ശേഷമുള്ള ഏറ്റവും കുറഞ്ഞ പ്രതിദിന മരണനിരക്കാണിത്. പുതുതായി 186 പേര്ക്ക് രോഗം സ്ഥിരീകരിക്കുകയും 211 പേര് രോഗമുക്തി നേടുകയും ചെയ്തു. രാജ്യത്ത് വൈറസ് ബാധിതരുടെ ആകെ എണ്ണം 3,66,185 ആയി. രോഗമുക്തി നേടിയവര് 3,57,728 ആണ്. 97.7 ശതമാനമാണ് രോഗമുക്തി നേടിയവരുടെ നിരക്ക്.
രോഗം ബാധിച്ച് 6,352 പേര് മരിച്ചതോടെ മരണനിരക്ക് 1.7 ശതമാനമായി. 2,080 പേരാണ് രാജ്യത്തെ വിവിധ ആശുപത്രികളില് ചികിത്സയില് കഴിയുന്നത്. ഇവരില് 331 പേര് ഗുരുതരാവസ്ഥയിലാണ്. കൊവിഡി പ്രതിരോധ വാക്സിന് 3,91,643 പേര്ക്ക് നല്കിയതായും ആരോഗ്യ മന്ത്രാലയ വക്താവ് ഡോ. മുഹമ്മദ് അല്-അബ്ദുല് ആലി പറഞ്ഞു.
---- facebook comment plugin here -----