Techno
തുടര്ച്ചയായ രണ്ടാം ദിവസം വൈ സീരിസിലെ മറ്റൊരു ഫോണ് വിവോ വിപണിയിലിറക്കി
ന്യൂഡല്ഹി | വിവോ വൈ31 സ്മാര്ട്ട്ഫോണ് ഇന്ത്യന് വിപണിയിലെത്തി. കഴിഞ്ഞ ദിവസം ഈ സീരീസിലെ മറ്റൊരു മോഡല് വൈ20ജി രാജ്യത്ത് ഇറക്കിയിരുന്നു. 5ജി കരുത്തുള്ളതാണ് മോഡല്.
6ജിബി+ 128ജിബി മോഡലിന് 16,490 രൂപയാണ് വില. ഓഷ്യന് ബ്ലൂ, റേസിംഗ് ബ്ലാക് നിറങ്ങളില് ഓണ്ലൈനിലും അല്ലാതെയും ലഭ്യമാണ്. എച്ച് ഡി എഫ് സി കാര്ഡ്, ബജാജ് ഫിന്സെര്വ്, ഹോം ക്രെഡിറ്റ്, ഐ സി ഐ സി ഐ ബേങ്ക് പോലുള്ളവ ഉപയോഗിച്ചുള്ള ഇടപാടുകൾക്ക് വിവിധ ഓഫറുകളുമുണ്ട്.
പിന്വശത്ത് മൂന്ന് ക്യാമറകളാണുള്ളത്. 48 മെഗാപിക്സല് ആണ് പ്രൈമറി. 2മെഗാപിക്സല് വീതം ബൊകെ സെന്സറും ടെര്ഷ്യറി സെന്സറുമുണ്ട്. 16 മെഗാപിക്സല് ആണ് സെല്ഫി ക്യാമറ. 5,000 എം എ എച്ച് ആണ് ബാറ്ററി. 18 വാട്ട് അതിവേഗ ചാര്ജിംഗുമുണ്ട്.
---- facebook comment plugin here -----