Kerala
ധനമന്ത്രി തോമസ് ഐസക്കിന് പ്രിവിലേജ് കമ്മറ്റിയുടെ ക്ലീന് ചിറ്റ്
തിരുവനന്തപുരം | ധനമന്ത്രി തോമസ് ഐസക്കിന് എത്തിക്സ് ആന്റ് പ്രിവിലേജ് കമ്മറ്റിയുടെ
ക്ലീന് ചിറ്റ്. മന്ത്രി നിയമസഭയുടെ അവകാശം ലംഘിച്ചിട്ടില്ലെന്നാണ് പ്രിവിലേജ് ആന്റ് എത്തിക്സ് കമ്മിറ്റിയുടെ വിലയിരുത്തല്. അതിനാല് പ്രതിപക്ഷത്തിന്റെ അവകാശലംഘന നോട്ടീസ് നിലനില്ക്കില്ലെന്നും കമ്മിറ്റി ചൂണ്ടിക്കാട്ടി.റിപ്പോര്ട്ട് ചൊവ്വാഴ്ച നിയമസഭയില് വെക്കും.വിഷയം സഭ ചര്ച്ച ചെയ്തു മന്ത്രി അവകാശലംഘനം നടത്തിയിട്ടുണ്ടോ എന്ന് തീരുമാനിക്കട്ടെ എന്നൊരു നിര്ദേശവും എത്തിക്സ് കമ്മിറ്റി റിപ്പോര്ട്ടിലുണ്ടാകുമെന്നും സൂചനയുണ്ട്.
മൂന്നു പ്രതിപക്ഷ അംഗങ്ങളുടെ വിയോജിപ്പോടെയാണ് തീരുമാനം. സിഎജി റിപ്പോര്ട്ട് ചോര്ത്തിക്കൊടുത്തതുമായി ബന്ധപ്പെട്ട വാര്ത്തകള്ക്ക് മറുപടി പറയുകയാണ് ചെയ്തതെന്നാണ് മന്ത്രി എത്തിക്സ് കമ്മിറ്റി മുന്പാകെ നേരിട്ട് ഹാജരായി നല്കിയ വിശദീകരണം.
കംപ്ട്രോളര് ആന്ഡ് ഓഡിറ്റര് ജനറല് റിപ്പോര്ട്ട് നിയമസഭയില് വെക്കും മുന്പേ മാധ്യമങ്ങളില് വെളിപ്പെടുത്തിയ ധനമന്ത്രിയുടെ നടപടി സഭാ ചട്ടങ്ങളുടെ ലംഘനമാണെന്നായിരുന്നു വിഡി സതീശന്റെ പരാതി.