ബാന്നര്‍ഘട്ട പാര്‍ക്കില്‍ സഫാരി വാഹനം കടുവ കടിച്ചുവലിക്കുന്ന വീഡിയോ വൈറല്‍

ബെംഗളൂരു | ബാന്നര്‍ഘട്ട ബയോളജിക്കല്‍ പാര്‍ക്കില്‍ വെച്ച് സന്ദര്‍ശകരെ കയറ്റിയ സഫാരി വാഹനം കടുവ കടിച്ചുവലിക്കുന്ന വീഡിയോ വൈറലാകുന്നു. വാഹനത്തിന്റെ പുറകുവശത്തെ ബംപര്‍ ആണ് കടുവ കടിച്ചുവലിക്കുന്നത്. കടുവയുടെ വലിയില്‍ വാഹനം കുറച്ചു പിന്നോട്ട് പോകുന്നതും വീഡിയോയില്‍ കാണാം.

മറ്റൊരു വാഹനത്തിലുള്ളവരാണ് ഒന്നര മിനുട്ട് വരുന്ന വീഡിയോയെടുത്തത്. അതേസമയം, കടുവ വലിക്കുമ്പോള്‍ ഡ്രൈവര്‍ വാഹനം പിന്നോട്ടെടുത്തതാണെന്നും ചിലര്‍ ചൂണ്ടിക്കാട്ടി. രണ്ട് ദിവസം മുമ്പാണ് ട്വിറ്ററില്‍ വീഡിയോ അപ്ലോഡ് ചെയ്തത്.

രണ്ട് മാസം മുമ്പുള്ള സംഭവമാണിതെന്ന് പാര്‍ക്ക് എക്‌സിക്യൂട്ടീവ് ഡയറക്ടര്‍ വനശ്രീ വിപിന്‍ സിംഗ് പറഞ്ഞു. ബാറ്ററി തകരാര്‍ കാരണം വാഹനം കുറച്ചുസമയം നിന്നുപോയപ്പോള്‍ ജിജ്ഞാസ കൊണ്ടാണ് കടുവയെത്തിയതെന്നും യഥാര്‍ഥത്തില്‍ കടുവ കളിക്കുകയായിരുന്നെന്നും അദ്ദേഹം പറഞ്ഞു. ആക്രമിക്കാനായിരുന്നെങ്കില്‍ വാഹനത്തിന്റെ മുകളില്‍ കയറുമായിരുന്നെന്നും അദ്ദേഹം ചൂണ്ടിക്കാട്ടി. വീഡിയോയുടെ അവസാനം മറ്റൊരു കടുവ വാഹനത്തിന്റെ സമീപമെത്തുന്നുണ്ട്. വീഡിയോ കാണാം:

Tiger pulling tourist vehicle in Bannerghatta park , Bengaluru
😣
Recieved on whatsapp pic.twitter.com/TfH8mAiN2b

— Mona Patel (@MonaPatelT) January 15, 2021