ട്രംപിന്റെ അക്കൗണ്ട് പൂര്‍ണമായും ഒഴിവാക്കി ട്വിറ്റര്‍

വാഷിംഗ്ടണ്‍ | അമേരിക്കന്‍ പ്രസിഡന്റ് ഡൊണാള്‍ഡ് ട്രംപിന്റെ അക്കൗണ്ട് എന്നെന്നേക്കും ഒഴിവാക്കി ട്വിറ്റര്‍. ആക്രമണത്തിന് വീണ്ടും പ്രേരിപ്പിക്കാന്‍ സാധ്യതയുള്ളതിനാലാണ് ഈ നടപടിയെന്ന് ട്വിറ്റര്‍ അറിയിച്ചു. ദിവസങ്ങള്‍ക്ക് മുമ്പ് യു എസ് കാപിറ്റോളില്‍ ആയിരക്കണക്കിന് പേര്‍ ഇരച്ചുകയറി വന്‍ ആക്രമണം നടത്തിയ പശ്ചാത്തലത്തിലാണിത്.

@realDonaldTrump എന്ന അക്കൗണ്ട് ആണ് ട്വിറ്റര്‍ ഒഴിവാക്കിയത്. ഈയടുത്ത് വന്ന ട്വീറ്റുകള്‍ സൂക്ഷ്മമായി പരിശോധിച്ചതിന് ശേഷമാണ് ട്വിറ്റര്‍ നടപടിയെടുത്തത്.

ട്രംപിന്റെ അക്കൗണ്ട് ഫേസ്ബുക്കും ബ്ലോക്ക് ചെയ്തിട്ടുണ്ട്. ബുധനാഴ്ചയാണ് ട്വിറ്റര്‍ ട്രംപിന്റെ അക്കൗണ്ട് 12 മണിക്കൂര്‍ നേരത്തേക്ക് സസ്‌പെന്‍ഡ് ചെയ്തിരുന്നത്.