Idukki
ലഹരി മരുന്ന് നിശാ പാര്‍ട്ടി; റിസോര്‍ട്ട് ഉടമയെ പാര്‍ട്ടിയില്‍ നിന്ന് പുറത്താക്കി സി പി ഐ
വാഗമണ്‍ | വാഗമണില്‍ ലഹരി മരുന്ന് നിശാപാര്‍ട്ടി നടത്തിയ സംഭവത്തില്‍ റിസോര്‍ട്ട് ഉടമ ഷാജി കുറ്റിക്കാടിനെ പാര്‍ട്ടിയില്‍ നിന്ന് പുറത്താക്കി സി പി ഐ. പാര്‍ട്ടി ഏലപ്പാറ ലോക്കല്‍ സെക്രട്ടറിയായ ഷാജി ഏലപ്പാറ പഞ്ചായത്ത് മുന്‍ പ്രസിഡന്റ് ആണ്. കമ്മ്യൂണിസ്റ്റ് വിരുദ്ധ പ്രവര്‍ത്തനത്തിനാണ് ഷാജിക്കെതിരെ നടപടിയെടുത്തതെന്ന് ഇടുക്കി ജില്ലാ സെക്രട്ടറി കെ ശിവരാമന്‍ അറിയിച്ചു. എന്നാല്‍, തനിക്ക് നിശാപാര്‍ട്ടിയുമായി ബന്ധമില്ലെന്നാണ് ഷാജി പറയുന്നത്.
നിശാപാര്‍ട്ടി നടത്തിയ സംഭവത്തില്‍ ഒമ്പതു പേരെ പോലീസ് അറസ്റ്റ് ചെയ്തിട്ടുണ്ട്. എട്ട് യുവാക്കളും ഒരു യുവതിയുമാണ് അറസ്റ്റിലായത്. നിശാപാര്‍ട്ടിയില്‍ 60 പേര്‍ പങ്കെടുത്തതായി എ എസ് പി. എ എസ് സുരേഷ് കുമാര്‍ പറഞ്ഞു.
പാര്‍ട്ടിയിലേക്ക് ലഹരി വസ്തുക്കള്‍ എത്തിച്ചത് മഹാരാഷ്ട്ര, ബെംഗളൂരു എന്നിവിടങ്ങളില്‍ നിന്നാണ്. ലഹരി മരുന്നിന് പണം നല്‍കിയതിനു പിന്നില്‍ ഡി ജെ മഹര്‍, അജയ്, നമ്പീല്‍, സൗമ്യ, സല്‍മാന്‍ എന്നിവരാണെന്നും പോലീസ് കണ്ടെത്തി.
Latest
സുഗന്ധഗിരി മരം മുറി കേസ് ; ഉദ്യോഗസ്ഥരുടെ സസ്‌പെന്‍ഷന്‍ മരവിപ്പിച്ചു
കടലില്‍ കുളിക്കാനിറങ്ങിയ പതിനേഴുകാരന്‍ ഒഴുക്കില്‍പെട്ടു
മംഗളൂരുവില്‍ ഉന്തുവണ്ടിയില്‍ നിന്നും ഐസ്‌ക്രീം കഴിച്ച ഇരട്ടകുട്ടികള്‍ മരിച്ചു
ഇ ഡി ക്കെതിരെ ഗുരുതര ആരോപണവുമായി എഎപി ; കെജ് രിവാളിനെ കൊലപ്പെടുത്താന്‍ ഗൂഢാലോചന നടക്കുന്നുവെന്ന് അതിഷി
ആലപ്പുഴയിൽ വീണ്ടും പക്ഷിപ്പനി; താറാവുകളെ കൊന്നൊടുക്കും
തിരുവനന്തപുരത്ത് ഏഴുവയസുകാരന് രണ്ടാനച്ഛന്‍റെ ക്രൂര മർദനം
