ചൊവ്വാ ഗ്രഹത്തിലെ ഉപ്പുവെള്ളത്തില്‍ നിന്ന് വായുവും ഇന്ധനവും വേര്‍തിരിച്ചെടുക്കാനുള്ള നൂതന സംവിധാനം കണ്ടുപിടിച്ച് ഇന്ത്യന്‍ വംശജനായ ശാസ്ത്രജ്ഞന്‍

Posted on: December 1, 2020 4:59 pm | Last updated: December 1, 2020 at 5:00 pm

വാഷിംഗ്ടണ്‍ | ചൊവ്വാ ഗ്രഹത്തിലെ ഉപ്പുവെള്ളത്തില്‍ നിന്ന് ഹൈഡ്രജന്‍ ഇന്ധനവും ഓക്‌സിജനും വേര്‍തിരിച്ചെടുക്കാനുള്ള നൂതന സംവിധാനം വികസിപ്പിച്ച് ശാസ്ത്രസംഘം. അമേരിക്കയിലെ ഇന്ത്യന്‍ വംശജനായ ശാസ്ത്രജ്ഞന്റെ നേതൃത്വത്തിലുള്ള സംഘമാണ് ഈ സംവിധാനം വികസിപ്പിച്ചത്. ചൊവ്വയിലേക്കുള്ള ഭാവിയിലെ ദൗത്യങ്ങളുടെ ലോജിസ്റ്റിക്‌സില്‍ വലിയ മാറ്റങ്ങളാണ് ഇത് വരുത്തുക.

അതിശൈത്യമാണ് ചൊവ്വയിലെന്നത് ശാസ്ത്രജ്ഞരുടെ ശ്രദ്ധയില്‍ പെട്ടിട്ടുണ്ട്. അതേസമയം തണുത്തുറഞ്ഞ നിലയിലല്ല വെള്ളം. എന്നാല്‍, അധികവും ഉപ്പാണ്. അതിനാല്‍ തണുത്തുറയുന്നതിനെ ഇത് കുറക്കും.

ഈ വെള്ളത്തെ ഓക്‌സിജനും ഹൈഡ്രജനുമായി മാറ്റാന്‍ വൈദ്യുതി ഉപയോഗിക്കുന്നത് വലിയ ചെലവും അപകടകരവുമാണ്. മൈനസ് 36 ഡിഗ്രിയുള്ള ചൊവ്വയുടെ അന്തരീക്ഷത്തില്‍ പുതിയ സംവിധാനം ഉപയോഗിച്ചുള്ള പരീക്ഷണം നടത്തി. വാഷിംഗ്ടണ്‍ യൂനിവേഴ്‌സിറ്റിയിലെ പ്രൊഫസര്‍ വിജയ് രമണിയുടെ നേതൃത്വത്തിലുള്ള സംഘമാണ് പുതിയ കണ്ടുപിടുത്തത്തിന് പിന്നില്‍.

ALSO READ  ചന്ദ്രനിലെ വികിരണതോത് ഉയർന്നനിലയിൽ; മനുഷ്യരെ അയക്കുന്നത് വെല്ലുവിളിയാകും