Connect with us

Malappuram

മഅദിന്‍ 'ജല്‍സതുല്‍ ഖിതാം' സമ്മേളനവും 'ഹിയ' ലോഞ്ചിംഗും നാളെ

Published

|

Last Updated

ലപ്പുറം | 40 ദിവസമായി മഅദിന്‍ അക്കാദമിയുടെ നേതൃത്വത്തില്‍ നടന്ന് വരുന്ന റബീഅ് ക്യാംപെയിന്‍ സമാപന സമ്മേളനം “ജല്‍സതുല്‍ ഖിതാം” വെള്ളിയാഴ്ച നടക്കും. വൈകുന്നേരം 6.30 ന് മലപ്പുറം സ്വലാത്ത് നഗറില്‍ നടക്കുന്ന പരിപാടി അഖിലേന്ത്യാ സുന്നി ജംഇയ്യത്തുല്‍ ഉലമാ ജനറല്‍ സെക്രട്ടറി കാന്തപുരം എ.പി അബൂബക്കര്‍ മുസ്ലിയാര്‍ ഉദ്ഘാടനം ചെയ്യും. മഅ്ദിന്‍ അക്കാദമിയുടെ പുതിയ വനിതാ സംരംഭമായ “ഹിയ” ലോഞ്ചിംഗും അദ്ദേഹം നിര്‍വ്വഹിക്കും. സയ്യിദ് ഇബ്‌റാഹീമുല്‍ ഖലീല്‍ അല്‍ ബുഖാരി അദ്ധ്യക്ഷത വഹിക്കും.

ലോക പ്രശസ്ത പണ്ഡിതന്‍ ശൈഖ് സയ്യിദ് അഫീഫുദ്ധീന്‍ ജീലാനി വീഡിയോ കോണ്‍ഫറന്‍സ് വഴി സംബന്ധിക്കും. മന്‍ഖൂസ് മൗലിദ്, മുഹ്‌യിദ്ധീന്‍ മൗലിദ്, മുഹ്‌യിദ്ധീന്‍ മാല, അശ്‌റഖ പാരായണം, പ്രാര്‍ത്ഥന എന്നിവ പരിപാടിയുടെ ഭാഗമായി നടക്കും.

സമാപന സമ്മേളനത്തില്‍ സയ്യിദ് ശിഹാബുദ്ധീന്‍ ബുഖാരി, സയ്യിദ് മുഹമ്മദ് ഫാറൂഖ് ജമലുല്ലൈലി, സയ്യിദ് മുഹമ്മദ് സ്വാലിഹ് ഖാസിം അല്‍ ഹൈദ്രൂസി, സമസ്ത ജില്ലാ സെക്രട്ടറി ഇബ്‌റാഹീം ബാഖവി മേല്‍മുറി, കേരള മുസ്്‌ലിം ജമാഅത്ത് ജില്ലാ ജനറല്‍ സെക്രട്ടറി പി.എം മുസ്തഫ കോഡൂര്‍, അബ്ദുല്‍ ജലീല്‍ സഖാഫി കടലുണ്ടി, അബൂബക്കര്‍ സഖാഫി കുട്ടശ്ശേരി, സുലൈമാന്‍ ഫൈസി കിഴിശ്ശേരി, അബൂബക്കര്‍ സഖാഫി അരീക്കോട് എന്നിവര്‍ സംബന്ധിക്കും.

പരിപാടികള്‍ മഅദിൻ അക്കാഡമിയുടെ ഔദ്യോഗിക യൂട്യൂബ് പേജിൽ തത്മസയം വീക്ഷിക്കാം.

---- facebook comment plugin here -----

Latest