മുന്‍ ഡയറക്ടര്‍ ഡിലിറ്റ് ചെയ്ത ഫയലുകള്‍ വീണ്ടെടുക്കാനായി ശ്രീചിത്രയില്‍ സിഡാക് പരിശോധന

തിരുവനന്തപുരം |  ശ്രീചിത്ര ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സില്‍ സിഡാക് പരിശോധന നടത്തുന്നു.പുതിയ ഡയറക്ടറുടെ ആവശ്യപ്രകാരമാണ് പരിശോധനയെന്നാണ് അറിയുന്നത്. മുന്‍ ഡയറക്ടറുടെ കമ്പ്യൂട്ടററില്‍നിന്ന് ഡിലീറ്റ് ചെയ്ത ഫയലുകള്‍ വീണ്ടെടുക്കാനായാണ് പരിശോധന.ഇന്‍സ്റ്റിറ്റ്യൂട്ടിലെ കമ്പ്യൂട്ടര്‍ വിഭാഗത്തിന് ഇവ വീണ്ടെടുക്കാന്‍ കഴിയാത്തതിനെത്തുടര്‍ന്നാണ് സിഡാകിനെ ചുമതലയേല്‍പ്പിച്ചത്.

മുന്‍ ഡയറക്ടര്‍ ഡോ.ആശ കിഷോര്‍ പല സന്ദേശങ്ങളും ഡിലീറ്റ് ചെയ്തുവെന്നാണ് കണ്ടെത്തിയിരിക്കുന്നത്. പുതിയ ഡയറക്ടര്‍ പ്രൊഫസര്‍ ഡോ.കെ.ജയകുമാറിന്റെ ആവശ്യപ്രകാരമാണ് സിഡാക് സന്ദേശങ്ങള്‍ വീണ്ടെടുക്കാന്‍ ശ്രമിക്കുന്നത്. ശ്രീചിത്രയുമായി ചേര്‍ന്ന് സംസ്ഥാനത്ത് നടത്തിയ ആരോഗ്യ സര്‍വേയുടെ വിവരങ്ങള്‍ കനേഡിയന്‍ ഗവേഷണ ഏജന്‍സിക്ക് നല്‍കാന്‍ ശ്രീചിത്രയും കൂട്ടുനിന്നു എന്ന ആരോപണം നിലനില്‍ക്കെയാണ് സന്ദേശങ്ങള്‍ വീണ്ടെടുക്കാന്‍ ശ്രമിക്കുന്നതിന്റെ ഭാഗമായുള്ള പരിശോധന.