Covid19
ഡല്‍ഹിയില്‍ കൊവിഡ് സൂപ്പര്‍ സ്‌പ്രെഡിലേക്ക്; നാലില്‍ ഒരാള്‍ക്ക് രോഗം
ന്യൂഡല്‍ഹി | രാജ്യ തലസ്ഥാനമായ ഡല്‍ഹി കോവിഡിന്റെ സൂപ്പര്‍ സ്‌പ്രെഡിലൂടെ കടന്നുപോകുകയാണെന്ന് പഠന റിപ്പോര്‍ട്ട. നാലില്‍ ഒരാള്‍ക്കെങ്കിലും വൈറസ് ബാധയേറ്റതായി സിറോ സര്‍വ്വേ ഫലം പറയുന്നു. എല്ലാ വീട്ടിലും ഒരാളെങ്കിലും രോഗിയായി തുടരുകയോ, രോഗം വന്നുപോകുകയോ ചെയ്തിട്ടുണ്ടെന്ന് ഡല്‍ഹി ഹൈക്കോടതിയില്‍ സമര്‍പ്പിച്ച റിപ്പോര്‍ട്ടില്‍ പറയുന്നു.
സംസ്ഥാനത്തിന്റെ ഗുരുതരാവസ്ഥ സംബന്ധിച്ച റിപ്പോര്‍ട്ടിന്റെ അടിസ്ഥാനത്തില്‍ സര്‍ക്കാറിനെതിരെ ഹൈക്കോടതി ഡിവിഷന്‍ ബെഞ്ച് രൂക്ഷ വിമര്‍ശനം നടത്തി. യാഥാര്‍ഥ്യ ബോധമില്ലാതെ ഇളവുകള്‍ അനുവദിച്ചത് എന്തിനെന്ന് ജസ്റ്റീസുമാരായ ഹിമ കോഹ്ലി, സുബ്രമണ്യം പ്രസാദ് എന്നിവരടങ്ങിയെ ബെഞ്ച് ചോദിച്ചു.
നാലാം റൗണ്ട് സിറം സര്‍വേയിലാണ് ഡല്‍ഹിയിലെ തീവ്രരോഗ വ്യാപനം കണ്ടെത്തിയിരിക്കുന്നത്. വൈറസ് ബാധയേല്‍ക്കാത്ത വീടുകള്‍ വിരളമാണ്. സംസ്ഥാനത്തെ മധ്യജില്ലകളിലാണ് സ്ഥിതി രൂക്ഷം. കഴിഞ്ഞ സെപ്റ്റംബര്‍ മാസത്തിലുള്ളതിനേക്കാള്‍ രണ്ട് മടങ്ങ് വര്‍ധിച്ചിട്ടുണ്ട്. ടെസ്റ്റിനു വിധേയരാക്കിയവരില്‍ 25 ശതമാനം പേരിലും കൊവിഡ് ആന്റിബോഡി രൂപപ്പെട്ടതായും റിപ്പോര്‍ട്ടില്‍ പറയുന്നു.
Latest
അമ്മയും ആണ്‍സുഹൃത്തും ചേര്‍ന്ന് പത്തുവയസ്സുകാരനെ ക്രൂരമായി മര്‍ദ്ദിച്ചു
ദമ്പതികളെ പെട്രോള്‍ ഒഴിച്ചു തീകൊളുത്തിയ ശേഷം യുവാവ് ജീവനൊടുക്കി
കാന്തപുരത്തിന്റെ വ്യാജ ഉദ്ധരണി; ഔട്ട്‌ലുക്ക് ഇന്ത്യാ വെബ്‌സൈറ്റ് മാപ്പ് പറഞ്ഞു
ബീഹാറില്‍ 48 മണിക്കൂറിനിടെ 34 പേര്‍ ഇടിമിന്നലേറ്റു മരിച്ചു
സഊദി അറേബ്യയിലെ ജിസാന്‍ പ്രവിശ്യയില്‍ വന്‍ മയക്ക് മരുന്ന് ശേഖരം പിടികൂടി
കേരള സര്‍വകലാശാല പ്രതിസന്ധി: അടിയന്തര സിന്‍ഡിക്കേറ്റ് വിളിക്കുമെന്ന് മന്ത്രി
