Covid19
സംസ്ഥാനത്ത് 5,537 കൊവിഡ് കേസുകള് കൂടി; 6,119 പേര്ക്ക് രോഗം ഭേദമായി
തിരുവനന്തപുരം | സംസ്ഥാനത്ത് ഇന്ന് 5,537 പേര്ക്ക് കൊവിഡ് സ്ഥിരീകരിച്ചു. തൃശൂര്- 727, കോഴിക്കോട്- 696, മലപ്പുറം- 617, ആലപ്പുഴ- 568, എറണാകുളം- 489, പാലക്കാട്- 434, കൊല്ലം- 399, തിരുവനന്തപുരം- 386, കണ്ണൂര്- 346, കോട്ടയം- 344, ഇടുക്കി- 185, പത്തനംതിട്ട- 138, കാസര്കോട്- 108, വയനാട്- 100, എന്നിങ്ങനെയാണ് രോഗം ബാധിച്ചവരുടെ ജില്ല തിരിച്ചുള്ള കണക്ക്. കഴിഞ്ഞ 24 മണിക്കൂറിനിടെ 57,202 സാമ്പിളുകളാണ് പരിശോധിച്ചത്. ടെസ്റ്റ് പോസിറ്റിവിറ്റി നിരക്ക് 9.68 ആണ്. റുട്ടീന് സാമ്പിള്, എയര്പോര്ട്ട് സര്വയിലന്സ്, പൂള്ഡ് സെന്റിനല്, സിബി നാറ്റ്, ട്രൂനാറ്റ്, സി എല് ഐ എ, ആന്റിജന് അസ്സെ എന്നിവ ഉള്പ്പെടെ ഇതുവരെ ആകെ 53,07,067 സാമ്പിളുകളാണ് പരിശോധനയ്ക്കായി അയച്ചത്.
25 മരണങ്ങളാണ് ഇന്ന് കൊവിഡ് മൂലമാണെന്ന് സ്ഥിരീകരിച്ചത്. തിരുവനന്തപുരം അതിയന്നൂര് സ്വദേശി രാജേന്ദ്രന് (68), തിരുവനന്തപുരം സ്വദേശിനി നീസാമ്മ (85), കൊടുങ്ങാനൂര് സ്വദേശിനി പ്രഭ (48), കൊല്ലം പത്തനാപുരം സ്വദേശി ലാസര് ഡേവിഡ് (66), നോര്ത്ത് പരവൂര് സ്വദേശി ഒ പി സുനി (48), ആലപ്പുഴ ചേര്ത്തല സ്വദേശി കുഞ്ഞുമാണി (70), കടുവിനാല് സ്വദേശി താഹകുഞ്ഞ് (53), ആലപ്പുഴ സ്വദേശി ബേബി (72), കോട്ടയം കുറുമ്പനാട് സ്വദേശി വി സി ചെല്ലപ്പന് (70), എറണാകുളം ഒക്കല് സ്വദേശി ഗുപ്തന് നമ്പൂതിരി (70), ഫോര്ട്ട്കൊച്ചി സ്വദേശി സജീവന് (48), കെലന്തറ സ്വദേശി അഗസ്റ്റിന് (67), തൃശൂര് പുല്ലാഴി സ്വദേശി സൈമണ് (72), എരവക്കാട് സ്വദേശി വാസു (60), പാമ്പൂര് സ്വദേശി ഗോവിന്ദന്കുട്ടി (67), പാലക്കാട് കുനിശേരി സ്വദേശി സോമസുന്ദരന് (66), ശേകരിപുരം സ്വദേശിനി ഭാര്ഗവി അമ്മ (86), ആട്ടശേരി സ്വദേശി കുഞ്ഞരാമു (80), മലപ്പുറം താനൂര് സ്വദേശിനി ഫാത്വിമ (52), കോഴിക്കോട് ഒളവണ്ണ സ്വദേശി ആമിന (70), വടകര സ്വദേശി രാജന് (59), പുതിയ കടവ് സ്വദേശിനി ജാനകി (34), കോഴിക്കോട് സ്വദേശിനി ആമിന (77), ഇരിങ്ങാനൂര് സ്വദേശി അബ്ദുറഹ്മാന് (67), കണ്ണൂര് കടലായി സ്വദേശിനി നഫീസ കക്കാറയില് (65) എന്നിവരാണ് മരിച്ചത്. ഇതോടെ ആകെ മരണം 1,796 ആയി. ഇത് കൂടാതെ ഉണ്ടായ മരണങ്ങള് എന് ഐ വി ആലപ്പുഴയിലെ പരിശോധനയ്ക്ക് ശേഷം സ്ഥിരീകരിക്കും.
ഇന്ന് രോഗം സ്ഥിരീകരിച്ചവരില് 140 പേര് സംസ്ഥാനത്തിന് പുറത്ത് നിന്നും വന്നവരാണ്. 4,683 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. 653 പേരുടെ സമ്പര്ക്ക ഉറവിടം വ്യക്തമല്ല. തൃശൂര്- 706, കോഴിക്കോട്- 646, മലപ്പുറം- 583, ആലപ്പുഴ- 553, എറണാകുളം- 254, പാലക്കാട്- 264, കൊല്ലം- 386, തിരുവനന്തപുരം- 286, കണ്ണൂര്- 259, കോട്ടയം- 337, ഇടുക്കി- 137, പത്തനംതിട്ട- 99, കാസര്കോട്- 97, വയനാട്- 76 എന്നിങ്ങനെയാണ് സമ്പര്ക്കത്തിലൂടെ രോഗം ബാധിച്ചത്.
61 ആരോഗ്യ പ്രവര്ത്തകര്ക്കും ഇന്ന് രോഗം ബാധിച്ചു. എറണാകുളം- 13, തിരുവനന്തപുരം, കണ്ണൂര്- 8 വീതം, പത്തനംതിട്ട, കോഴിക്കോട്- 7 വീതം, തൃശൂര്- 6, വയനാട്- 4, പാലക്കാട്- 3, മലപ്പുറം, കാസര്കോട്- 2 വീതം, ഇടുക്കി- 1 എന്നിങ്ങനെയാണ് ആരോഗ്യ പ്രവര്ത്തകര്ക്ക് രോഗം ബാധിച്ചത്.
രോഗം സ്ഥിരീകരിച്ച് ചികിത്സയിലായിരുന്ന 6,119 പേരുടെ പരിശോധനാഫലം നെഗറ്റീവ് ആയി. തിരുവനന്തപുരം- 304, കൊല്ലം- 578, പത്തനംതിട്ട- 165, ആലപ്പുഴ- 371, കോട്ടയം- 394, ഇടുക്കി- 250, എറണാകുളം- 1008, തൃശൂര്- 1062, പാലക്കാട്- 299, മലപ്പുറം- 569, കോഴിക്കോട്- 786, വയനാട്- 83, കണ്ണൂര്- 214, കാസര്കോട്- 36 എന്നിങ്ങനെയാണ് രോഗമുക്തരായത്. ഇതോടെ 77,813 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 4,28,529 പേര് ഇതുവരെ കൊവിഡില് നിന്നും മുക്തി നേടി. സംസ്ഥാനത്തെ വിവിധ ജില്ലകളിലായി 3,15,583 പേരാണ് ഇപ്പോള് നിരീക്ഷണത്തിലുള്ളത്. ഇവരില് 2,96,773 പേര് വീട്/ഇന്സ്റ്റിറ്റിയൂഷണല് ക്വാറന്റൈനിലും 18,810 പേര് ആശുപത്രികളിലും നിരീക്ഷണത്തിലാണ്. 1,993 പേരെയാണ് ഇന്ന് ആശുപത്രിയില് പ്രവേശിപ്പിച്ചത്.