Kerala
കെ എസ് ആര്‍ ടി സി: രാത്രി വൈകി പെരുവഴിയില്‍ യാത്രക്കാരെ ഇറക്കുന്ന രീതി ആവര്‍ത്തിക്കരുതെന്ന് മനുഷ്യാവകാശ കമ്മീഷന്‍
പത്തനംതിട്ട | രോഗികളെയും വയോധികരെയും സ്ത്രീകളെയും രാത്രി വൈകി ജീവനക്കാരുടെ ഇഷ്ടാനുസരണം പെരുവഴിയില്‍ ഇറക്കിവിടുന്ന കെ എസ് ആര്‍ ടി സി യുടെ രീതി ആവര്‍ത്തിക്കരുതെന്ന് മനുഷ്യാവകാശ കമ്മീഷന്‍. ഇത്തരത്തില്‍ പെരുമാറുന്ന ജീവനക്കാര്‍ക്കെതിരെ മാതൃകാപരമായ ശിക്ഷാനടപടികള്‍ സ്വീകരിച്ച് അക്കാര്യം കമ്മീഷനെ അറിയിക്കണമെന്ന് അംഗം വി കെ ബീനാകുമാരി കെ എസ് ആര്‍ ടി സി എം ഡി ക്ക് നിര്‍ദേശം നല്‍കി. കടപ്പാക്കട സ്വദേശി കെ ആര്‍ രാധാക്യഷ്ണന്‍ സമര്‍പ്പിച്ച പരാതിയിലാണ് നടപടി. ഹൃദ്രോഗിയായ പരാതിക്കാരന്‍ അടൂരില്‍ നിന്നും ബസില്‍ കയറി കൊല്ലം കോട്ടന്‍മില്‍ ബസ് സ്റ്റോപ്പില്‍ ഇറങ്ങണമെന്ന് ആവശ്യപ്പെട്ടെങ്കിലും രണ്ടാകുറ്റി സ്റ്റോപ്പില്‍ ഇറക്കിവിട്ടെന്നാണ് പരാതി.
കെ എസ് ആര്‍ ടി സി എം ഡിയില്‍ നിന്ന് കമ്മീഷന്‍ റിപ്പോര്‍ട്ട് വാങ്ങി. പരാതിക്കാരന്‍ അറിയിച്ചതനുസരിച്ച് അടൂര്‍ കെ എസ് ആര്‍ ടി സി ഡിപ്പോയിലെ കെ എല്‍ 15-7253 നമ്പര്‍ ബസിലെ കണ്ടക്ടര്‍ക്കും ഡ്രൈവര്‍ക്കുമെതിരെ അച്ചടക്ക നടപടി സ്വീകരിച്ചിട്ടുണ്ടെന്ന് എം ഡി അറിയിച്ചു. എന്നാല്‍, കെ എസ് ആര്‍ ടി സി യില്‍ നിലനില്‍ക്കുന്ന സ്ഥിരം രീതിയില്‍ വെറും ഒരു ഷോക്കോസ് മെമ്മോ നല്‍കി വിശദീകരണം വാങ്ങി പരാതി തീര്‍പ്പാക്കുന്ന രീതി ഇക്കാര്യത്തില്‍ ആവര്‍ത്തിക്കരുതെന്ന് കമ്മീഷന്‍ ആവശ്യപ്പെട്ടു. നിലവിലുള്ള നിര്‍ദേശങ്ങള്‍ക്ക് വിരുദ്ധമായി അര്‍ധരാത്രി പെരുവഴിയില്‍ ഇറക്കിവിടുന്ന രീതി ആവര്‍ത്തിക്കരുതെന്നും കമ്മീഷന്‍ ആവശ്യപ്പെട്ടു.
Latest
തൊഴിലില്ലായ്മയും പട്ടിണിയും തിരഞ്ഞെടുപ്പിന്റെ പ്രമേയമാവണം:എസ് എസ് എഫ്
വയനാട് ഡിസിസി ജനറല് സെക്രട്ടറി ബിജെപിയില് ചേര്ന്നു
അധികാരത്തിലെത്തിയാൽ സിഎഎ റദ്ദാക്കും; പ്രിയങ്ക ഗാന്ധി
ജപ്തി നടപടിക്കിടെ തീ കൊളുത്തി ആത്മഹത്യയ്ക്ക് ശ്രമിച്ച വീട്ടമ്മ മരിച്ചു
സ്ഥിരമായി നെഞ്ചെരിച്ചില് ഉണ്ടോ! ഈ പഴം ഒന്ന് കഴിച്ചു നോക്കൂ
സിഗരറ്റുകളെക്കാള് അപകടകാരിയാണോ ഇ - സിഗരറ്റ്
