Kerala
തൃശൂര് ചിറ്റിലങ്ങാടില് സി പി എം ബ്രാഞ്ച് സെക്രട്ടറിയെ കുത്തിക്കൊലപ്പെടുത്തി
കുന്നംകുളം | തൃശൂര് കുന്നംകുളത്തെ ചിറ്റിലങ്ങാടില് സി പി എം നേതാവിനെ കുത്തിക്കൊലപ്പെടുത്തി. പാര്ട്ടിയുടെ പുതുശ്ശേരി ബ്രാഞ്ച് സെക്രട്ടറി പുതുശ്ശേരി പി യു സനൂപ് (26) ആണ് കൊല്ലപ്പെട്ടത്. മൂന്നുപേര്ക്ക് പരുക്കേറ്റു. ഇവരില് ഒരാളുടെ നില ഗുരുതരമാണ്. ഇന്നലെ രാത്രിയാണ് സംഭവം. ബി ജെ പി-ബജ്രംഗ്ദള് പ്രവര്ത്തകരാണ് കൊലക്കു പിന്നിലെന്ന് സി പി എം ആരോപിച്ചു.
നന്ദന് എന്നയാളുടെ നേതൃത്വത്തിലാണ് ആക്രമണം നടന്നതെന്നാണ് സൂചന. ഒരുമാസം മുമ്പാണ് ഇയാള് ഗള്ഫില് നിന്നെത്തിയത്. നന്ദനുള്പ്പെടെ പ്രതികളായ ആറുപേര് ഒളിവിലാണ്. പ്രതികളുടെതെന്ന് സംശയിക്കുന്ന കാര് കുന്നംകുളത്ത് ഉപേക്ഷിച്ച നിലയില് കണ്ടെത്തി. സംഭവ സ്ഥലത്ത് പോലീസ് സുരക്ഷ ശക്തമാക്കിയിട്ടുണ്ട്. സുഹൃത്ത് മിഥുനിനെ വീട്ടില് കൊണ്ടു ചെന്നാക്കുന്നതിനായി പോയ സംഘത്തിനു നേരെയാണ് ആക്രമണമുണ്ടായത്.
---- facebook comment plugin here -----