Gulf
ആഗോള വ്യാവസായിക പട്ടികയില് ഇനി സഊദി അറാംകോ ഖുറൈസ് ഡിവിഷനും
റിയാദ് | ആഗോള വ്യാവസായിക പട്ടികയില് ഇനി സഊദി അറാംകോ ഖുറൈസ് ശുദ്ധീകരണശാലയും. ആധുനിക സാങ്കേതിക വിദ്യ ഉപയോഗപ്പെടുത്തി ഉത്പാദന വിതരണ മേഖലയില് നാലാം വ്യാവസായിക ശ്രേണിയില് ഇടം നേടിയതോടെ വേള്ഡ് ഇക്കണോമിക് ഫോറം ഗ്ലോബല് നെറ്റ്വര്ക്കില് സ്ഥാനം നേടിയ രാജ്യത്തെ ആദ്യ കമ്പനിയെന്ന നേട്ടത്തിന് ഖുറൈസ് വ്യാവസായിക മേഖല അര്ഹമായി. ഇതോടെ, പട്ടികയില് സ്ഥാനം പിടിച്ച രാജ്യത്തെ രണ്ടാമത്തെ കമ്പനിയായി ഖുറൈസ് എന്ന ശുദ്ധീകരണ ശാല മാറി.
നേരത്തെ ഉത്മാനിയ ഗ്യാസ് പ്ലാന്റും പട്ടികയില് സ്ഥാനം പിടിച്ചിരുന്നു. എണ്ണ വ്യാവസായിക വിപ്ലവത്തില് നൂതന സാങ്കേതികവിദ്യകള് ഉപയോഗപ്പെടുത്തുക വഴി കൂടുതല് ഉത്പാദന-വിതരണം പൂത്തിയാക്കിയതോടെയാണ് ലോക സാമ്പത്തിക ഫോറം അംഗീകരിച്ച അറാംകോ ഖുറൈസ് ഡിവിഷന് പട്ടികയില് ഇടം നേടിയത്. ലോകത്തെ ഏറ്റവും വലിയ എണ്ണ വിതരണക്കാരെന്ന പദവി നിലനിര്ത്തിക്കൊണ്ടുള്ള ഖുറൈസ് ഓയില് ഫീല്ഡ് വികസന പദ്ധതിയാണ് സഊദി അറേബ്യക്ക് അഭിമാനമായത്.
എണ്ണ മേഖലയിലെ നൂതന സാങ്കേതിക വിദ്യകള് അംഗീകരിച്ചതില് തങ്ങള് സന്തുഷ്ടരാണെന്നും ഊര്ജ മേഖലയിലെ കണ്ടുപിടിത്തങ്ങളും കാര്യക്ഷമത, സുരക്ഷ, പാരിസ്ഥിതിക പ്രകടനം എന്നിവയില് കാര്യമായ നേട്ടങ്ങള് കൈവരിക്കാന് കഴിഞ്ഞിട്ടുണ്ടെന്നും ഖുറൈസ് ഡിവിഷന് അധികൃതര് പറഞ്ഞു. ബിഗ് ഡാറ്റാ അനലിറ്റിക്സ്, മെഷീന് ലേണിംഗ്, സ്മാര്ട്ട് സെന്സറുകള്, റോബോട്ടിക്സ് എന്നീ അത്യാധുനിക പുരോഗതി പ്രയോജനപ്പെടുത്തുന്ന ലോകത്തിലെ ഏറ്റവും വലിയ മേഖലയാണ് ഖുറൈസ് ശുദ്ധീകരണ എണ്ണ ശാലയെന്ന് അറാംകോ പ്രസിഡന്റും സി ഇ ഒയുമായ അമീന് നാസര് പറഞ്ഞു. 2009 ജൂണിലാണ് ഖുറൈസ് വ്യാവസായിക മേഖലയില് നിന്നുള്ള എണ്ണയുത്പാദനം ആരംഭിച്ചത്.
Latest
ജീവിച്ചിരിക്കുന്നുവെന്ന് വിശ്വസിപ്പിക്കാനുള്ള പെടാപാട്! നെതന്യാഹുവിന്റെ എക്സ് അക്കൗണ്ടിൽ പുതിയ വീഡിയോ
അബ്ദുറഹീം വണ്ടൂര് പ്രവാസത്തോട് വിടപറയുന്നു; നാലര പതിറ്റാണ്ടിന്റെ സേവന സ്മരണകളുമായി മടക്കം
കോവളത്ത് എം വിന്സന്റിനെ സ്ഥാനാര്ഥിയാക്കരുത്; രാഹുല് ഗാന്ധിക്ക് കത്തയച്ച് അതിജീവിത
ഇസ്റാഈൽ-ഗസ്സ യുദ്ധം പരിസ്ഥിതിക്കും കനത്ത ആഘാതമുണ്ടാക്കി; പുറന്തള്ളപ്പെട്ടത് 3.3 കോടി ടൺ കാർബൺ
പാചകവാതക ക്ഷാമം; സംസ്ഥാനത്ത് ഹോട്ടലുകള് അടച്ചുള്ള സമരം പ്രഖ്യാപിച്ച് ഹോട്ടല് സംഘടന
വാണിജ്യ വാഹനങ്ങൾക്ക് വില വർധിപ്പിക്കാനൊരുങ്ങി ടാറ്റ മോട്ടോഴ്സ്
