ഫ്ളിപ്കാര്‍ട്ടില്‍ ഇനി മൊത്തക്കച്ചവടവും

Posted on: September 2, 2020 3:19 pm | Last updated: September 2, 2020 at 3:19 pm

ബെംഗളൂരു | രാജ്യത്ത് ഓണ്‍ലൈന്‍ മൊത്തക്കച്ചവടം ആരംഭിച്ച് ഫ്ളിപ്കാര്‍ട്ട്. പലചരക്ക് കടകള്‍ക്കും ചെറുകിട വ്യവസായങ്ങള്‍ക്കുമാകും മൊത്തക്കച്ചവട സേവനം നല്‍കുക. രാജ്യത്തെ ഇ-വാണിജ്യ രംഗത്തുള്ള പ്രധാന എതിരാളിയായ ആമസോണിന് കടുത്ത മത്സരമുയര്‍ത്തുന്നതാണ് വാള്‍മാര്‍ട്ടിന്റെ ഉടമസ്ഥതയിലുള്ള ഫ്ളിപ്കാര്‍ട്ടിന്റെ ഈ സംരംഭം.

സ്മാര്‍ട്ട്‌ഫോണ്‍ ആപ്പ് ആയി Flipkart Wholesale ലഭിക്കും. ബെംഗളൂരു, ഗുരുഗ്രാം, ഡല്‍ഹി എന്നീ നഗരങ്ങളിലാണ് നിലവില്‍ മൊത്തക്കച്ചവട സേവനം ലഭ്യമാകുക. ഈ വര്‍ഷം അവസാനത്തോടെ 20 നഗരങ്ങളിലേക്ക് കൂടി വ്യാപിപ്പിക്കും.

മാത്രമല്ല, ഈ വര്‍ഷം അവസാനത്തോടെ ഹൈപര്‍മാര്‍ക്കറ്റുകള്‍ക്കും മൊത്തക്കച്ചവട സേവനങ്ങള്‍ നല്‍കും. രണ്ട് മാസത്തിനുള്ളില്‍ രണ്ട് ലക്ഷം ഉത്പന്നങ്ങള്‍ ലിസ്റ്റ് ചെയ്യുമെന്നാണ് ഫ്ളിപ്കാര്‍ട്ട് പ്രതീക്ഷിക്കുന്നത്. അടുത്ത ഏതാനും ദിവസങ്ങള്‍ക്കുള്ളില്‍ 50 ബ്രാന്‍ഡുകളും 250 പ്രാദേശിക ഉത്പന്ന നിര്‍മാതാക്കളും ഉണ്ടാകുമെന്നാണ് കമ്പനി പ്രതീക്ഷിക്കുന്നത്.

ALSO READ  ചെയ്ത തെറ്റ് എന്തെന്ന് പോലുമറിയാതെ ജയിലില്‍ കഴിയുന്നവര്‍ക്ക് വേണ്ടി ആര് ശബ്ദമുയര്‍ത്തും?