National
കൃഷിക്കാര്‍ അവരുടെ ഭൂമിയില്‍ തോട്ടങ്ങള്‍ ആരംഭിക്കണമെന്ന് പ്രകാശ് ജാവദേക്കര്‍
ന്യൂഡല്‍ഹി| എല്ലാ സംസ്ഥാനങ്ങളിലെയും കര്‍ഷകര്‍ തങ്ങളുടെ ഭൂമിയില്‍ മരങ്ങള്‍ വളര്‍ത്താന്‍ തയ്യാറാകണമെന്ന് കേന്ദ്ര പരിസ്ഥിതി മന്ത്രി പ്രകാശ് ജാവദേക്കര്‍ ആവശ്യപ്പെട്ടു. എല്ലാ സംസ്ഥാനങ്ങളിലെയും കേന്ദ്രഭരണ പ്രദേശങ്ങളിലെയും വനം മന്ത്രിമാരുമായി നടതതിയ വെര്‍ച്വല്‍ മീറ്റിംഗില്‍ സംസാരിക്കുകയായിരുന്നു ജാവദേക്കര്‍.
തങ്ങളുടെ ഭൂമി വനഭൂമിയായി മാറുമെന്ന് കര്‍ഷകര്‍ ഭയപ്പെടേണ്ടതില്ല. ആ ഭൂമി അവരുടേതായിരിക്കും. ആവശ്യമുള്ളപ്പോള്‍ അവര്‍ക്ക് മരങ്ങള്‍ വില്‍ക്കാനും കൊണ്ടുപോകാനും കഴിയുമെന്നും ജാവദേക്കര്‍ പറഞ്ഞു. ഓരോ സംസ്ഥാനത്തും വനത്തില്‍ വെള്ളം, കാലിത്തീറ്റ വര്‍ദ്ധിപ്പിക്കല്‍ പദ്ധതികള്‍ക്കായി കോമ്പന്‍സേറ്ററി വനവല്‍ക്കരണ ഫണ്ട് നല്‍കുമെന്നും അദ്ദേഹം പറഞ്ഞു.
രാജ്യത്തൊട്ടാകെയുള്ള 2,000 സ്‌കൂളുകളില്‍ നഴ്‌സറികള്‍ വികസിപ്പിക്കും, സ്വകാര്യ പങ്കാളിത്തത്തോടെ നഗര വനവല്‍ക്കരണ പദ്ധതികള്‍ ഏറ്റെടുക്കും. കോമ്പന്‍സേറ്ററി വനവല്‍ക്കരണ ഫണ്ടിന്റെ 80 ശതമാനവും വനവല്‍ക്കരണത്തിനായി മാത്രമേ ഉപയോഗിക്കാവൂ. ബാക്കി 20 ശതമാനം കെട്ടിടങ്ങളോ വാഹനങ്ങളോ പോലുള്ള ശേഷി അടിസ്ഥാന സൗകര്യ വികസനത്തിനായി വിനിയോഗിക്കാമെന്നും അദ്ദേഹം പറഞ്ഞു.
രണ്ടാഴ്ചയ്ക്കുള്ളില്‍ പ്രോജക്ട് ഡോള്‍ഫിന് രൂപരേഖ കൊണ്ടുവരാന്‍ ജാവദേക്കര്‍ എല്ലാ സംസ്ഥാനങ്ങളോടും ആവശ്യപ്പെട്ടു. തീരപ്രദേശത്തുള്ള ഗംഗാറ്റിക് ഡോള്‍ഫിനുകളുടെയും ഡോള്‍ഫിനുകളുടെയും ദീര്‍ഘകാല സംരക്ഷണം ഈ പദ്ധതിയില്‍ ഉള്‍പ്പെടും.
Latest
ജനറൽ ആശുപത്രി മഞ്ചേരിയിൽ നിലനിർത്തണം: കേരള മുസ്ലിം ജമാഅത്ത്
ഇനി കേരളത്തില്‍ പരാജയപ്പെട്ടാല്‍ കോണ്‍ഗ്രസ്സിന്റെ മരണം: ദീപാ ദാസ് മുന്‍ഷി
ഡല്‍ഹിയില്‍ നാലുനില കെട്ടിടം തകര്‍ന്നുവീണു; നിരവധി ആളുകള്‍ കുടുങ്ങിക്കിടക്കുന്നതായി റിപ്പോര്‍ട്ട്
സിന്തറ്റിക് മയക്കുമരുന്ന് കേസ്: ഇന്ത്യക്കാരനെ യു എ ഇ നാടുകടത്തി
കീം റാങ്ക് ലിസ്റ്റ്: ഒരു കോടതിക്കും റദ്ദ് ചെയ്യാനാവാത്ത വിധം അടുത്ത വര്‍ഷം മാനദണ്ഡം മാറ്റുമെന്ന് മന്ത്രി ആര്‍ ബിന്ദു
സ്‌കൂള്‍ സമയമാറ്റം; ചര്‍ച്ചക്കു തയ്യാറാണെന്നു വിദ്യാഭ്യാസ മന്ത്രി
