National
അമിത്ഷാക്ക് കൊവിഡ് നെഗറ്റീവ്; വീട്ടു നിരീക്ഷണത്തില് തുടരും
ന്യൂഡല്ഹി | കൊവിഡ് ബാധിച്ച് ചികിത്സയിലായിരുന്ന കേന്ദ്ര ആഭ്യന്തര മന്ത്രി അമിത്ഷാക്ക് രോഗമുക്തി. അമിത്ഷാ തന്റെ ട്വിറ്ററിലൂടെയാണ് ഇക്കാര്യം അറിയിച്ചത്.
ഇന്ന് എന്റെ കൊറോണ വൈറസ് ഫലം നെഗറ്റീവായി. ദൈവത്തിന് നന്ദി. തനിക്ക് ആയുരാരോഗ്യ സൗഖ്യം നേര്ന്ന എല്ലാവര്ക്കും എന്റെ കുടുംബത്തിനും ഡോക്ടര്മാര്ക്കും പാരാമെഡിക്കല് സ്റ്റാഫിനും നന്ദി. ഡോക്ടര്മാരുടെ നിര്ദേശപ്രകാരം കുറച്ച് ദിവസങ്ങള് കൂടി വീട്ടുനിരീക്ഷണത്തില് തുടരും – അമിത്ഷാ ട്വീറ്റ് ചെയ്തു.
കൊവിഡ് പോസിറ്റീവാകുന്നതിന് തൊട്ടുമുമ്പ് പ്രധാനമന്ത്രി ഉള്പ്പെടെ ഉന്നതര് പങ്കെടുത്ത മന്ത്രിസഭാ യോഗത്തില് അദ്ദേഹം പങ്കെടുത്തിരുന്നു. എല്ലാ മുന്കതരുതല് നടപടികളും സ്വീകരിച്ചായിരുന്നു യോഗത്തില് പങ്കെടുത്തതെന്നായിരുന്നു പിന്നീടുള്ള വിശദീകരണം.
അതിനിടെ, അമിത്ഷാക്ക് കൊവിഡ് നെഗറ്റീവായെന്ന് കഴിഞ്ഞ ദിവസം ബിജെപി നേതാവ് മനീഷ് തിവാരി ട്വീറ്റ് ചെയ്തത് വിവാദമായിരുന്നു. അമിത്ഷായെ പരിശോധനക്ക് വിധേയനാക്കിയിട്ടില്ലെന്ന് ആഭ്യന്തര മന്ത്രാലയം അറിയിച്ചതോടെ അദ്ദേഹം ട്വീറ്റ് പിന്വലിക്കുകയും ചെയ്തിരുന്നു.