പാര്‍ട്ടി നിയമസഭാംഗങ്ങളുടെ മീറ്റീംഗ് നാളെ നടത്തുമെന്ന് ബി ജെ പി

ജയ്പൂര്‍| രാജസ്ഥാനിലെ രാഷട്രീയ പ്രതിസന്ധിക്കിടെ ബി ജെ പി നിയമസഭാംഗങ്ങളുടെ പാര്‍ട്ടി മീറ്റീംഗ് നാളെ വൈകീട്ട് നാലിന് നടത്തുമെന്ന് എം എല്‍ എ രാംലാല്‍ ശര്‍മ്മ പറഞ്ഞു. ഈ മാസം 14ന് സംസ്ഥാന നിയമസഭ ചേരുന്നതിന് മുന്നോടിയായാണ് ബിജെപി മീറ്റിംഗ് വിളിച്ചു ചേര്‍ത്തത്.

രാജസ്ഥാന്‍ പോലീസ് മുഖ്യമന്ത്രി അശോക് ഗെഹ്ലോട്ടിന്റെ ഏജന്റായാണ് പ്രവര്‍ത്തിക്കുന്നതെന്നും തങ്ങളുടെ എം എല്‍ എമാരെയാണ് അവര്‍ ലക്ഷ്യം വെക്കുന്നതെന്നും രാജസ്ഥാന്‍ ബി ജെ പി പ്രസിഡന്റ് സതീഷ് പൂണിയ ശനിയാഴ്ച ആരോപിച്ചിരുന്നു. രാജസ്ഥാന്‍ ബി ജെ പി ഒറ്റക്കെട്ടാണെന്നും എന്ത് വന്നാലും ഒന്നിച്ച് നില്‍ക്കുമെന്നും അദ്ദേഹം കൂട്ടിചേര്‍ത്തു.

ഉപമുഖ്യമന്ത്രി സച്ചിന്‍ പൈലറ്റ് ഇടഞ്ഞതോടെ രാജസ്ഥാന്‍ സര്‍ക്കാര്‍ പ്രതിസന്ധിയിലാണ്. അതേസമയം അശോക് ഗെഹ്ലോട്ട് സര്‍ക്കാറിനെ താഴെയിടാന്‍ ബി ജെ പി ശ്രമിക്കുകയാണെന്ന് കോണ്‍ഗ്രസ് ആരോപിച്ചുരുന്നു. എന്നാല്‍ ഈ ആരോപണത്തെ ബി ജെ പി നിരസിച്ചിരുന്നു.