Kerala
കോട്ടയത്ത് വെള്ളക്കെട്ടില് കാണാതായ രണ്ട് പേരുടെ മൃതദേഹം കണ്ടെത്തി
കോട്ടയം | ജില്ലയില് കഴിഞ്ഞ ദിവസമുണ്ടായ കനത്ത മഴയില് വെള്ളക്കെട്ടില് വീണ് കാണാതായ രണ്ടാളുടെ മൃതദേഹം കണ്ടെത്തി. പെരുമ്പായിക്കോട് സ്വദേശി സുധീഷ് (38), അനിക്കല് കുര്യന് എബ്രഹാം എന്നിവരുടെ മൃതദേഹമാണ് കണ്ടെത്തിയത്. ഇരുവര്ക്കുമായി നാട്ടുകാര് നടത്തിയ തിരച്ചിലിലാണ് വെള്ളക്കെട്ടില് നിന്ന് മൃതദേഹം കണ്ടെത്തയത്.
കഴിഞ്ഞ ദിവസം മണര്കാട് കാര് ഒഴുക്കില്പെട്ട് കാണാതായ യുവാവിന്റെ മൃതദേഹം കണ്ടെത്തിയിരുന്നു. അങ്കമാലി സ്വദേശി ജസ്റ്റിന്റെ മൃതദേഹമാണ് കണ്ടെത്തിയത്. കാര് ഒഴുക്കില്പെട്ടപ്പോള് കരക്കെത്തിക്കാനുള്ള ശ്രമത്തിനിടയിലാണ് ജസ്റ്റിന് കാറിനുള്ളില് പെട്ടത്. നാട്ടുകാരെ സഹായത്തിന് വിളിച്ച് ക്രെയിന് ഏര്പ്പാടാക്കിയ ശേഷം കാറില് ഹാന്ഡ് ബ്രെയ്ക്ക് മാറ്റാനായി കയറിയതായിരുന്നു. കാറിനുള്ളിലേക്ക് വെള്ളം കയറുകയും വെള്ളക്കെട്ടിലേക്ക് ഒഴുകി പോകുകയും ചെയ്തു. എയര്പോര്ട്ടില് ടാക്സി ഡ്രൈവറായിരുന്നു ജസ്റ്റിന്.