Connect with us

Saudi Arabia

ഖത്തീഫില്‍ സൗന്ദര്യവത്കരണ പ്രവര്‍ത്തനങ്ങള്‍ ആരംഭിച്ചു

Published

|

Last Updated

അല്‍ഖതീഫ് | കിഴക്കന്‍ പ്രവിശ്യയിലെ ഖതീഫ് ഗവര്‍ണ്ണറേറ്റില്‍ മുന്‍സിപ്പാലിറ്റി സൗന്ദര്യവത്കരണ പ്രവര്‍ത്തനങ്ങള്‍ ആരംഭിച്ചു. കൂടുതല്‍ പ്രദേശങ്ങള്‍ ഹരിത മേഖലകളാക്കി മാറ്റുന്നതിന്റെ ഭാഗമായാണ് പുതിയ പദ്ധതികള്‍ നടപ്പില്‍ വരുത്തുന്നത്. ആദ്യ ഘട്ടത്തില്‍ ഉദ്യാനപരിപാലന വനവത്ക്കരണ പദ്ധതി ആരംഭിച്ചതായി മുഹമ്മദ് ബിന്‍ അബ്ദുള്‍ മുഹ്‌സിന്‍ അല്‍ ഹുസൈനി പറഞ്ഞു.

സന്ദര്‍ശകര്‍ക്ക് കൂടുതല്‍ സൗകര്യങ്ങള്‍ ഒരുക്കുന്നതിന്റെ ഭാഗമായി ദറൈന്‍ കോര്‍ണിഷില്‍ 14,000 ചതുരശ്ര മീറ്റര്‍ വിസ്തീര്‍ണ്ണത്തിലും ഡാന അല്‍ റാംസ് കോര്‍ണിഷിലും ഷബിലി കോര്‍ണിഷിലും 6000 ചതുരശ്ര മീറ്റര്‍ വിസ്തീര്‍ണ്ണത്തിലും ഹരിത പ്രദേശങ്ങള്‍ ഒരുക്കിയതായും അനുയോജ്യമായ രീതിയില്‍ കൂടുതല്‍ പ്രദേശങ്ങളിലേക്ക് പദ്ധതി വ്യാപിപ്പിക്കുമെന്നും അദ്ദേഹം പറഞ്ഞു.