International
ലിബിയയിലേക്ക് സൈന്യത്തെ അയക്കാന് ഈജിപ്ത് പാര്ലമെന്റിന്റെ അംഗീകാരം
കൈറോ | ആഭ്യന്തരയുദ്ധം കൊടിമ്പിരികൊണ്ടിരിക്കുന്ന ലിബിയയില് തുര്ക്കിയുടെ ഇടപെടലുകള്ക്കെതിരെ സൈന്യത്തെ അയയ്ക്കാനുള്ള ബില്ലിന് പ്രസിഡന്റ് അബ്ദുല് ഫത്താഹ് അല്-സിസിക്ക് ഈജിപ്ത് പാര്ലമെന്റ് അംഗീകാരം നല്കി.ഈജിപ്ഷ്യന് സായുധ സേനയുടെ ഘടകങ്ങള്ക്ക് ദൗത്യം അവസാനിക്കുന്നതുവരെയാണ് അനുമതി നല്കിയിരിക്കുന്നതെന്ന് പാര്ലമെന്റ പുറത്തിറക്കിയ പ്രസ്താവനയില് പറയുന്നു
ലിബിയയിലെ നിലവിലെ സാഹചര്യങ്ങള് ലിബിയന് ഗ്രോത്രനേതാക്കള് ഈജിപ്ഷ്യന് പ്രസിഡന്റുമായി കൂടിക്കാഴ്ച്ച നടത്തിയതിന് ഏതാനും ദിവസങ്ങള്ക്ക് ശേഷമാണ് പാര്ലമെന്റ് അംഗീകാരം നല്കിയത് . നേരത്തെ ലിബിയന് സംഭവവികാസങ്ങള് യു എസ് പ്രസിഡന്റ് ഡൊണാള്ഡ് ട്രംപുമായി എല്-സിസി ചര്ച്ച ചെയ്തിരുന്നു ,ലിബിയയിലെ എല്ലാ പാര്ട്ടികളും തമ്മില് സമാധാനം സ്ഥാപിക്കുകയെന്ന ലക്ഷ്യത്തോടെയും നിലവിലെ സ്ഥിതി സുസ്ഥിരമാക്കാനും ഇരുരാജ്യങ്ങളെയും ബന്ധങ്ങളെ ശക്തമാക്കാനുമാണ് സൈന്യത്തെ അയക്കുന്നതെന്നും ലിബിയന് സുരക്ഷ അറബ് ദേശീയ സുരക്ഷയുടെ അവിഭാജ്യ ഘടകമാണെന്നും പാര്ലമെന്റ് കൗണ്സില് വക്താവ് പറഞ്ഞു.
ഈജിപ്ഷ്യന് തീരുമാനത്തെ അംഗീകരിക്കാതെ ലിബിയ ;സഹകരണം അറിയിച്ച് തുര്ക്കി
ലിബിയയിലെ ആഭ്യന്തര കാര്യങ്ങളില് ഇടപെടാനുള്ള തീരുമാനത്തിന് ഈജിപ്ഷ്യന് പാര്ലമെന്റ് അംഗീകാരം നല്കിയതോടെ ലിബിയന് ആഭ്യന്തരമന്ത്രി ഫാത്തി ബഷാഗ തുര്ക്കി പ്രതിരോധമന്ത്രി ഹുലുസി അകാര്, മാള്ട്ടീസ് ആഭ്യന്തര മന്ത്രി ബൈറോണ് കാമിലേരി എന്നിവരുമായി അങ്കാറയില് കൂടിക്കാഴ്ച നടത്തി. അനധികൃത കുടിയേറ്റം, തീവ്രവാദത്തിനെതിരെ പോരാടല്, സുരക്ഷാ ശേഷി മെച്ചപ്പെടുത്തല് എന്നീ വിഷയങ്ങളില് മൂന്ന് രാജ്യങ്ങള്ക്കിടയില് സഹകരണം വര്ധിപ്പിക്കുകയെന്ന ലക്ഷ്യത്തോടെയാണ് സംയുക്ത പത്രസമ്മേളനത്തില് ബഷാഗ പറഞ്ഞു.
തുര്ക്കി എല്ലായ്പ്പോഴും “ലിബിയന് സഹോദരന്മാര്ക്കൊപ്പം” നില്ക്കുന്നുവെന്ന് എല്ലാവരും അറിഞ്ഞിരിക്കണമെന്ന് അദ്ദേഹം പറഞ്ഞു, ലിബിയ സമാധാനത്തിലും സമാധാനത്തിലും സുരക്ഷിതത്വത്തിലും ജീവിക്കുക എന്നതാണ് അങ്കാറയുടെ ലക്ഷ്യം.