ലോകത്ത് 1.42 കോടി കൊവിഡ് രോഗികള്‍; മരണം ആറ് ലക്ഷത്തിലേക്ക്

വാഷിംഗ്ടണ്‍ | ലോകത്ത് കൊവിഡ് മരണം ആറ് ലക്ഷത്തിലേക്ക് അടുക്കുന്നു. ഇതുവരെ വൈറസ് ബാധിതരായി മരിച്ചത് 5,98,446 പേരാണ്. ലോകത്താകെ 1.41 കോടി കൊവിഡ് രോഗികളാണുള്ളത്.

അമേരിക്കയിലാണ് ഏറ്റവും കൂടുതല്‍ രോഗികള്‍ ഇന്നും റിപ്പോര്‍ട്ട് ചെയ്തത്. 24 മണിക്കൂറിനിടെ അമേരിക്കയില്‍ 67,000 ആളുകള്‍ക്ക് രോഗം സ്ഥിരീകരിച്ചു. 785 പേര്‍ കൂടി അമേരിക്കയില്‍ മരിച്ചു. 37,70,012 പേര്‍ക്കാണ് അമേരിക്കയില്‍ രോഗം ബാധിച്ചത്. ഇതുവരെ മരിച്ചവരുടെ എണ്ണം 1,42,064 ആണ്. ബ്രസീലില്‍ 1029 പേരാണ് 24 മണിക്കൂറിനിടെ മരിച്ചത്. 31,000 ത്തില്‍ അധികം പേര്‍ക്ക് കൂടി രോഗം ബാധിച്ചു.

കൊവിഡ് പ്രതിരോധത്തില്‍ പരാജയപ്പെട്ടാല്‍ വരാനിരിക്കുന്നത് ഇതുവരെ നേരിട്ടിട്ടില്ലാത്ത പ്രതിസന്ധിയായിരിക്കുമെന്ന് ലോകാരോഗ്യ സംഘടന മുന്നറിയിപ്പ് നല്‍കി.