എണ്ണക്കമ്പനികള്‍ വില കൂട്ടുന്നത് തുടരുന്നു; തുടര്‍ച്ചയായ ആറാം ദിനവും പെട്രോള്‍, ഡീസല്‍ വില ഉയര്‍ന്നു തന്നെ

ന്യൂഡല്‍ഹി | രാജ്യത്ത് പെട്രോള്‍, ഡീസല്‍ വിലയില്‍ തുടര്‍ച്ചയായ വര്‍ധന. ആറാം ദിനവും എണ്ണക്കമ്പനികള്‍ ഇന്ധനവില കൂട്ടി. ഇന്ന് പെട്രോളിന് 57 പൈസയും ഡീസലിന് 56 പൈസയുമാണ് കൂട്ടിയത്. ഇതോടെ കഴിഞ്ഞ ആറ് ദിവസത്തിനിടെ പെട്രോള്‍ ലിറ്ററിന് 3.32 രൂപയും ഡീസലിന് 3.26 രൂപയും കൂടി.

ലോക്ഡൗണ്‍ കാലായളവില്‍ സ്ഥിരമായി നിലനിന്ന ഇന്ധനവില ഞായറാഴ്ച മുതലാണ് കൂടാന്‍ തുടങ്ങിയത്. കൊച്ചിയില്‍ പെട്രോള്‍ ലിറ്ററിന് 74.97 രൂപയും ഡീസലിന് 69.08 രൂപയുമാണ് വില. തിരുവനന്തപുരത്ത് പെട്രോള്‍ 76.30, ഡീസല്‍ 70.42.