Covid19
ട്രയിന്‍ ടിക്കറ്റ് ഇനി എത്തിച്ചേരുന്ന സംസ്ഥാനത്തെ ലോക്ഡൗണ്‍ മാര്‍ഗനിര്‍ദേശങ്ങള്‍ അംഗീകരിക്കുന്നവര്‍ക്ക് മാത്രം
ന്യൂഡല്‍ഹി | വിവിധ സംസ്ഥാനങ്ങളില്‍ കുടുങ്ങിക്കിടക്കുന്നവര്‍ക്കായി റെയില്‍വേ ഏര്‍പെടുത്തിയ ശ്രമിക് ട്രെയിനില്‍ ടിക്കറ്റ് ലഭിക്കുന്നതിന് ഐആര്‍സിടിസി കര്‍ശന നിബന്ധനകള്‍ വെച്ചു. എത്തിച്ചേരുന്ന സംസ്ഥാനത്തെ ലോക്ഡൗണ്‍ നിയന്ത്രണങ്ങള്‍ പാലിക്കുമെന്ന് ഉറപ്പ് നല്‍കുന്നവര്‍ക്ക് മാത്രമേ ഐആര്‍സിടിസി വഴി ഇനി ടിക്കറ്റ് ലഭിക്കുകയുള്ളൂ. ഡല്‍ഹിയില്‍ നിന്ന് ബംഗളൂരുവിലേക്കുള്ള പ്രത്യേക ട്രെയിനില്‍ എത്തിയവര്‍ ക്വാറന്റൈനില്‍ പോകാന്‍ വിസമ്മതിച്ച സാഹചര്യത്തിലാണ് നടപടി.
ഐആര്‍സിടിസി വെബ്‌സൈറ്റ് വഴി ശ്രമിക് ട്രെയിനിന് ടിക്കറ്റ് ബുക്ക് ചെയ്യുമ്പോള്‍ ഇതുസംബന്ധിച്ച പോപ്അപ് പ്രത്യക്ഷപ്പെടും. “ഞാന്‍ എത്തിച്ചേരുന്ന സംസ്ഥാനത്തെ ആരോഗ്യ ജാഗ്രതാ നിര്‍ദേശങ്ങള്‍ വായിച്ചിട്ടുണ്ട്. അത് അംഗീകരിക്കാന്‍ ഞാന്‍ ബാധ്യസ്ഥനാണ്” എന്ന പോപ് അപ്പില്‍ ” ഞാന്‍ അംഗികരിക്കുന്നു” എന്ന ബട്ടണില്‍ ക്ലിക്ക് ചെയ്ത് മുന്നോട്ട് പോയെങ്കില്‍ മാത്രമേ ടിക്കറ്റ് ബുക്ക് ചെയ്യാന്‍ സാധിക്കുകയുള്ളൂ.
വ്യാഴാഴ്ച ശ്രമിക് ട്രെയിനില്‍ ബംഗളൂരുവില്‍ ഇറങ്ങിയ 50 പേരാണ് ക്വാറന്റൈനില്‍ പോകാന്‍ വിസമ്മതിച്ചത്. ഇത് സംഘര്‍ഷത്തിനിടയാക്കുകയും വഴങ്ങാത്ത 15 യാത്രക്കാരെ ട്രെയിനില്‍ അധിക ബോഗി ചേര്‍ത്ത് അതില്‍ തിരിച്ചയക്കുകയും ചെയ്തിരുന്നു.
Latest
കേരളത്തിന് എസ്എസ്‌കെ ഫണ്ടിനത്തില്‍ ആദ്യ ഗഡു കൈമാറി കേന്ദ്രം; നല്‍കിയത് 92.41 കോടി രൂപ
കുവൈത്തില്‍ ഏറ്റവും കൂടുതല്‍ മലയാളികള്‍ താമസിക്കുന്ന ജലീബ് അല്‍ ശുവൈഖ് പ്രദേശത്തെ 67 കെട്ടിടങ്ങള്‍ പൊളിച്ചുമാറ്റും
നോ ക്യാപ് ഇറ്റ്‌സ് ടുമോറോ: സ്റ്റുഡന്റ്‌സ് ഗാല രജിസ്‌ട്രേഷന്‍ ആരംഭിച്ചു
അഗത്തി ഉസ്താദ്; സെമിനാറും പുസ്തക പ്രകാശനവും നടന്നു
റോസ് ബ്രാന്‍ഡ് ബിരിയാണി റൈസ് മാനേജിംഗ് ഡയറക്ടറും, ബ്രാന്‍ഡ് അംബാസഡര്‍ ദുല്‍ഖര്‍ സല്‍മാനും ഉപഭോക്ത്യ തര്‍ക്കപരിഹാര കമ്മീഷനില്‍ ഹാജരാകാന്‍ നിര്‍ദ്ദേശം
ഹൈക്കോടതിക്ക് മുന്നില്‍ ആത്മഹത്യ ചെയ്യുമെന്ന് ഭീഷണി; മലപ്പുറം സ്വദേശി അറസ്റ്റില്‍
