Gulf
ജിദ്ദയില് നിന്ന് കേരളത്തിലേക്കുള്ള ആദ്യ വിമാനം പുറപ്പെട്ടു
ജിദ്ദ | ജിദ്ദയിലുള്ള മലയാളി സംഘവുമായുള്ള ആദ്യ വിമാനം കിംഗ് അബ്ദുല് അസീസ് അന്താരാഷ്ട്ര വിമാനത്താവളത്തില് നിന്നും കരിപ്പൂരിലേക്ക് യാത്ര തിരിച്ചു. വൈകിട്ട് അഞ്ച് മണിക്കാണ് വിമാനം പുറപ്പെട്ടത്. ബെംഗളൂരുവില് നിന്നെത്തിയ എ 320 വിമാനത്തില് അഞ്ച് കുട്ടികളടക്കം 151 പേരാണുള്ളത്. നേരത്തെ, ഇന്ത്യന് എംബസിയില് രജിസ്റ്റര് ചെയ്തവരില് നിന്ന് മുന്ഗണനാ ക്രമത്തിന്റെ അടിസ്ഥാനത്തില് തിരഞ്ഞെടുക്കപ്പെട്ട വര്ക്കാണ് യാത്രാനുമതി നല്കിയതെന്ന് ജിദ്ദയിലെ ഇന്ത്യന് കോണ്സുലേറ്റ് അധികൃതര് പറഞ്ഞു.
യാത്രക്കാരില് നിരവധി പേര് ഗര്ഭിണികളാണ്. രണ്ടാം ഘട്ടത്തില് സഊദിയില് നിന്നും മൂന്ന് വിമാനങ്ങളാണ് കേരളത്തിലേക്ക് സര്വീസ് നടത്തുക.
---- facebook comment plugin here -----