ബഹ്‌റൈനില്‍ കൊവിഡ് ബാധിതരില്‍ കൂടുതല്‍ പേര്‍ വിദേശികള്‍; 87 പേര്‍ക്ക് കൂടി സ്ഥിരീകരിച്ചു

മനാമ | ബഹ്‌റൈനില്‍ 24 മണിക്കൂറിനിടെ 87 പേര്‍ക്ക് കൂടി കോവിഡ് 19 സ്ഥിരീകരിച്ചതായി ആരോഗ്യ മന്ത്രാലയം അറിയിച്ചു. രോഗം സ്ഥിരീകരിച്ചവരില്‍ 72 പേര്‍ വിദേശികളാണ്.

രാജ്യത്ത് ഇതുവരെ 1,21,260 പേരെയാണ് കോവിഡ് പരിശോധനക്ക് വിധേയമാക്കിയത്. 1,556 പേര്‍ ചികിത്സയില്‍ കഴിയുന്നുണ്ട്. ഇവരില്‍ രണ്ടു പേരുടെ നില ഗുരുതരമാണ്.

ഏറ്റവും കൂടുതല്‍ രോഗ ബാധ കണ്ടെത്തിയത് ലേബര്‍ ക്യാമ്പുകളില്‍ കഴിയുന്ന വിദേശികളിലാണെന്ന് ബഹ്‌റൈന്‍ ലേബര്‍ മാര്‍ക്കറ്റ് റെഗുലേറ്ററി അതോറിറ്റി സി.ഇ.ഒ ഉസാമ അബ്ദുല്ല അല്‍ അബിസി പറഞ്ഞു.