Saudi Arabia
പ്രവാസികളുടെ മടക്കം: ഇന്ത്യക്കാര്‍ക്കും അബ്ഷിറില്‍ രജിസ്റ്റര്‍ ചെയ്യാന്‍ അനുമതി
ദമാം |സഊദിയില്‍ നിന്നും നാട്ടിലേക്ക് മടങ്ങാന്‍ ആഗ്രഹിക്കുന്ന വിദേശികള്‍ക്ക് നാട്ടിലേക്ക് മടങ്ങുന്നതിനായി സഊദി ആഭ്യന്തരമന്ത്രാലയത്തത്തിന്റെ ഓണ്‍ലൈന്‍ പോര്‍ട്ടറിലെ “ഔദ” പദ്ധതിയില്‍ ഇന്ത്യക്കാര്‍ക്കും രജിസ്‌ട്രേഷന്‍ പൂര്‍ത്തിയാക്കാനുള്ള സൗകര്യം ഒരുക്കിയതായി സഊദി ആഭ്യന്തര മന്ത്രാലയം അറിയിച്ചു
കോവിഡ് മൂലം യാത്ര മുടങ്ങിയവര്‍ക്ക് അവരുടെ സ്വദേശങ്ങളിലേക്ക് മടങ്ങുന്നതിന് ആഭ്യന്തര മന്ത്രാലയം ഏര്‍പ്പെടുത്തിയ പ്രത്യേക പദ്ധതിയായ “ഔദ”ഏപ്രില്‍ 23 ന് രജിസ്‌ട്രേഷന്‍ ആരംഭിച്ചിരുന്നു .എന്നാല്‍ വിദേശ രാജ്യങ്ങളില്‍ നിന്ന് ഇന്ത്യയിലേക്കുള്ള വിമാന സര്‍വ്വീസുകള്‍ക്ക് അനുമതി ലഭിക്കാത്തതാണ് ഇന്ത്യക്കാര്‍ “ഔദയില്‍” രജിസ്റ്റര്‍ ചെയ്യേണ്ടതില്ലെന്ന് അധികൃതര്‍ നേരത്തെ അറിയിച്ചിരുന്നു . ഇതോടെ ഇന്ത്യക്കാര്‍ക്കുള്ള രജിസ്‌ട്രേഷന്‍ ആഭ്യന്തര മന്ത്രാലയം താത്കാലികമായി നിര്‍ത്തിവെച്ചിരുന്നു
പാകിസ്താന്‍, ബംഗ്ലാദേശ്, അഫ്ഗാനിസ്താന്‍, ഈജിപ്ത്, ഫിലിപ്പൈന്‍സ്, ഇന്തോനേഷ്യ എന്നീ രാജ്യങ്ങളില്‍ നിന്നുള്ളവര്‍ക്ക് മാത്രമാണ് “ഔദയില്‍” രജിസ്റ്റര്‍ ചെയ്യാന്‍ അനുമതി ഉണ്ടായിരുന്നത് . തൊഴില്‍ വിസാ കാലാവധി അവസാനിച്ച് ഫൈനല്‍ എക്‌സിറ്റ് ലഭിച്ചവര്‍ , അവധിക്ക് പോവുന്നതിനായി എക്‌സിറ്റ് / റീ എന്‍ട്രി ,ബിസിനസ് വിസിറ്റ് , ടൂറിസ്റ്റ് വിസ , ഫാമിലി വിസിറ്റ് വിസയിലെത്തി നാട്ടിലേക്ക് മടങ്ങാന്‍ കഴിയാത്തവര്‍ എന്നിവര്‍ക്ക് കേന്ദ്രം അയഞ്ഞതോടെ “ഔദ”യില്‍ രജിസ്റ്റര്‍ ചെയാന്‍ കഴിയും
ആഭ്യന്തര മന്ത്രാലയത്തിന്റെ ഓണ്‍ലൈന്‍ പോര്‍ട്ടല്‍ തുറക്കുന്ന ( (https://www.absher.sa/portal/
സഊദി ഭരണാധികാരിയും തിരുഗേഹങ്ങളുടെ സൂക്ഷിപ്പുകാരനുമായ സല്‍മാന്‍ രാജാവിന്റെ പ്രത്യേക നിര്‍ദ്ദേശ പ്രകാരമാണ് പദ്ധതി നടപ്പിലാക്കിയത്.ദമാം , റിയാദ് , ജിദ്ദ , മദീന എന്നീ നാല് അന്താരാഷ്ട്ര വിമാന താവളങ്ങള്‍ വഴിയാണ് മടക്കയാത്ര ആരംഭിക്കുക .രജിസ്‌ട്രേഷന്‍ നടപടിക്രമങ്ങള്‍ പൂര്‍ത്തിയാവുന്നതോടെ പാസ്സ്‌പോര്‍ട്ട് മന്ത്രാലയം അപേക്ഷകള്‍ പരിശോധിച്ച് മടക്ക യാത്രക്കുള്ള നല്‍കി തുടങ്ങും . അനുമതിലഭിച്ചവര്‍ക്ക് രജിസ്റ്റര്‍ ചെയ്ത മൊബൈല്‍ നമ്പറിലേക്ക് നാട്ടിലേക്ക് യാത്ര ചെയ്യേണ്ട തീയ്യതിയും , ടിക്കറ്റ് നമ്പറുകള്‍ അടങ്ങിയ ബുക്കിങ് വിവരങ്ങള്‍ മൊബൈലിലേക്ക് മെസ്സേജ് ആയി നല്‍കും .അതിന് ശേഷം രജിസ്റ്റര്‍ ചെയ്ത യാത്രക്കാരന്‍ വിമാന ടിക്കറ്റിന് പണമടച്ച് യാത്ര ചെയ്യാന്‍ കഴിയും
Latest
നിമിഷ പ്രിയയുടെ മോചനം; മാപ്പപേക്ഷയുമായി അമ്മ യമനിലേക്കു പുറപ്പെട്ടു
ആദ്യഘട്ടം തെരഞ്ഞെടുപ്പിനിടെ സ്ഫോടനം; കേന്ദ്രസേന ഉദ്യോഗസ്ഥന് വീരമൃത്യു
പ്രിയങ്ക ഗാന്ധി ഇന്ന് കേരളത്തില്; നാല് പരിപാടികളില് പങ്കെടുക്കും
രാഹുല് ഗാന്ധിയുടെ പരിപാടിയില് ലീഗ് കൊടി ഉയര്ത്തി; വണ്ടൂരില് സംഘര്ഷം
കോട്ട തിരിച്ചുപിടിക്കാൻ യാദവ കുടുംബം ഒറ്റക്കെട്ട്
റെഡ്ഢിമാരും റാവുമാരും ഉഴുതുമറിച്ച തെലുങ്ക് മണ്ണ്
