കരിപ്പൂരില്‍ നിന്ന് സഊദി വിമാനത്തില്‍ 126 പേര്‍ നാട്ടിലേക്ക് തിരിച്ചു

ചികിത്സക്കായി കേരളത്തിലുണ്ടായിരുന്ന സഊദി, തുര്‍ക്കി എന്നിവിടങ്ങളില്‍നിന്നുള്ളവര്‍ റിയാദിലേക്ക് പോകുന്നതിനായി കരിപ്പൂരിലെത്തിയപ്പോള്‍

കൊണ്ടോട്ടി: കരിപ്പൂരില്‍ സഊദി എയര്‍ലൈന്‍സ് വിമാനം 126 യാത്രക്കാരുമായി റിയാദിലേക്ക് പറന്നു. ലോക്ക്ഡൗണ്‍ കാരണം സ്വദേശത്തേക്ക് പോകാന്‍ കഴിയാതെ കേരളത്തില്‍ വിവിധയിടങ്ങളില്‍ ചികിത്സക്കും മറ്റും എത്തിയിരുന്ന സഊദി അറേബ്യ, തുര്‍ക്കി തുടങ്ങിയ രാജ്യങ്ങളില്‍ നിന്നുള്ള പൗരന്മാരാണ് യാത്ര തിരിച്ചത്.

31 പേര്‍ വീല്‍ ചെയറിലും രണ്ട് പേര്‍ സ്‌ട്രെച്ചറിലുമാണ് മടങ്ങിയത്. ജിദ്ദയില്‍ നിന്നെത്തിയ വിമാനം കരിപ്പൂരില്‍ നിന്നുള്ള യാത്രക്കാരേയും വഹിച്ചു ബെംഗളൂരുവിലേക്കാണ് പുറപ്പെട്ടത്. അവിടെ നിന്നുള്ള 40 സഊദി പൗരന്മാരേയും വഹിച്ച് വിമാനം റിയാദിലേക്ക് പുറപ്പെട്ടു. ഉച്ചക്ക് 1.15ന് എത്തിയ വിമാനം 4:15 നാണ് കരിപ്പൂരില്‍ നിന്ന് തിരിച്ചത്.