വിവാദങ്ങളുടെ പേരില്‍ ഒരു തീരുമാനവും പിന്‍വലിക്കില്ല; കൊവിഡിന് ശേഷം കേരളത്തിന്റെ മുഖച്ഛായ മാറും:  മുഖ്യമന്ത്രി

തിരുവനന്തപുരം | ഇപ്പോള്‍ ജനങ്ങളുടെ ജീവന്‍ സംരക്ഷിക്കലാണ് പ്രധാനമെന്ന് മുഖ്യമന്ത്രി. കാര്യങ്ങള്‍ കൈവിട്ടുപോകുന്ന സ്ഥിതി വരരുത്. ഇളവ് നല്‍കുമ്പോള്‍ ഇതെല്ലാം കണക്കിലെടുക്കണമെന്നും മുഖ്യമന്ത്രി പറഞ്ഞു.

വിവാദങ്ങളുടെ പേരില്‍ സര്‍ക്കാര്‍ എടുത്ത ഒരു തീരുമാനവും പിന്‍വലിക്കില്ല. തെറ്റും ശരിയും തിരിച്ചറിയാനുള്ള കഴിവ് ജനങ്ങള്‍ക്കുണ്ട്. വിവാദങ്ങളെ അവര്‍ വിലവെക്കില്ല. കൊവിഡ് കഴിഞ്ഞാല്‍ സുരക്ഷിതസ്ഥാനമെന്ന നിലയില്‍ പല സ്ഥാപനങ്ങളും കേരളത്തിലേക്ക് വരും. അത്തരം നിക്ഷേപകരെ ഉപയോഗപ്പെടുത്തിയാല്‍ കേരളത്തിന്റെ മുഖച്ഛായ മാറുമെന്നും പ്രതിവാര ടെലിവിഷന്‍ പരിപാടിയായ നാം മുന്നോട്ടില്‍ മുഖ്യമന്ത്രി പറഞ്ഞു.

ജീവന്‍ സംരക്ഷിക്കലാണ് പരമപ്രധാനം. കാര്യങ്ങള്‍ കൈവിട്ടുപോകുന്ന സ്ഥിതി വരരുത്. ഇതെല്ലാം കണക്കിലെടുത്തുവേണം ലോക്ഡൗണില്‍ ഇളവുകള്‍ നല്‍കാന്‍. അനാവശ്യവിവാദങ്ങളും തര്‍ക്കങ്ങളും കേരളത്തില്‍ മുതല്‍മുടക്കാനെത്തുന്നവരുടെ മനംമടുപ്പിക്കുമെന്നും മുഖ്യമന്ത്രി പറഞ്ഞു.