പാലക്കാട് അമ്മയും രണ്ട് മക്കളും വീട്ടില്‍ പൊള്ളലേറ്റ് മരിച്ച നിലയില്‍

പാലക്കാട് | നെന്മാറ ചേരാമംഗലത്ത് അമ്മയെയും രണ്ട് മക്കളെയും വീട്ടില്‍ പൊള്ളലേറ്റ് മരിച്ച നിലയില്‍ കണ്ടെത്തി. ചേരാമംഗലം ആനക്കോട് വീട്ടില്‍ ഉഷ, മക്കളായ അനുശ്രീ (14), അഭിജിത്ത് (12)എന്നിവരെയാണ് തീകൊളുത്തി മരിച്ച നിലയില്‍ കണ്ടെത്തിയത്.

ഉച്ചക്ക് പന്ത്രണ്ടു മണിയോടെ വീടിന്റെ മേല്‍ക്കൂരയില്‍ നിന്ന് പുക ഉയരുന്നത് കണ്ട് നാട്ടുകാര്‍ ഓടിയെത്തിയപ്പോഴാണ് സംഭവം പുറത്തറിയുന്നത്. നാട്ടുകാര്‍ വെള്ളം ഒഴിച്ച് തീ കെടുത്തിയെങ്കിലും മൂന്നുപേര്‍ക്കും ജീവന്‍ നഷ്ടമായിരുന്നു.

സാമ്പത്തിക പ്രശ്‌നവും മകളുടെ ചികില്‍സയുമായി ബന്ധപ്പെട്ട മനോവിഷമവും കാരണമാണ് ഇവര്‍ ആത്മഹത്യ ചെയ്തതെന്നാണ് സൂചന. പോസ്റ്റ്‌മോര്‍ട്ടത്തിനായി മൃതദേഹങ്ങള്‍ തൃശൂര്‍ മെഡിക്കല്‍ കോളേജ് ആശുപത്രിയിലേക്ക് മാറ്റി.