ശഹീന്‍ ബാഗില്‍ വെടിയുതിര്‍ത്ത ഹിന്ദുത്വ ഭീകരന് ജാമ്യം

ന്യൂഡല്‍ഹി |  സി എ എക്കെതിരെ സമാധാന മാര്‍ഗത്തില്‍ പ്രതിഷേധം നടക്കുന്ന ശഹീന്‍ബാഗില്‍ വെടിവെപ്പ് നടത്തിയ ഹിന്ദുത്വ ഭീകരന്‍ കപില്‍ ഗുജ്ജാറിന് ജാമ്യം. ദില്ലി സാകേത് കോടതിയാണ് ജാമ്യം അനുവദിച്ചത്. ഡല്‍ഹി- നോയിഡ അതിര്‍ത്തിയായ ദല്ലുപുര സ്വദേശിയായ കപില്‍ കഴിഞ്ഞ ഫെബ്രുവരി ഒന്നിനാണ് ശഹീന്‍ ബാഗിലെത്തി വെടിയുതിര്‍ത്തത്. സമരക്കാരുടെ സമീപത്തെത്തി ഹിന്ദുരാഷ്ട്ര സിന്ദാബാദ് എന്ന് മുദ്രാവാക്യം ഉയര്‍ത്തി ആകാശത്തേക്ക് വെടിവെക്കുകയായിരുന്നു.

കപില്‍ ആം ആദ്മി പാര്‍ട്ടി പ്രവര്‍ത്തകനാണെന്നും ഇയാളുടെ ഫോണ്‍ പരിശോധിച്ചപ്പോള്‍ എ എ പി നേതാക്കളോടൊപ്പം നില്‍ക്കുന്ന ചിത്രം കണ്ടെത്തിയെന്നും ഡല്‍ഹി പോലീസ് പറഞ്ഞിരുന്നു. എന്നാല്‍ ഇത് കള്ളമാണെന്ന് ചൂണ്ടിക്കാട്ടി കപിലിന്റെ അച്ചനും സഹോദരും രംഗത്തെത്തിയിരുന്നു. താനും മകനും എ എ പി അംഗത്വമെടുത്തെന്ന് പോലീസ് പറയുന്നത് ശരിയല്ലെന്നും അദ്ദേഹം പറഞ്ഞിരുന്നു.