Gulf
ഷാര്ജയില് മദാര് വിനോദ കേന്ദ്രം ഇന്ന് തുറക്കും
ഷാര്ജ | മുവൈലയില് അല് ജാഥ ബൃഹദ് പദ്ധതിയുടെ ഭാഗമായി മദാര് എന്ന പേരിലുള്ള വിനോദകേന്ദ്രം ഇന്ന് തുറക്കും. 600,000 ചതുരശ്രയടി വിസ്തീര്ണത്തിലാണ് വിനോദ കേന്ദ്രം. കുടുംബ സൗഹൃദ ആകര്ഷണങ്ങള് ഒരുക്കിയിട്ടുണ്ടെന്ന് അധികൃതര് അറിയിച്ചു. “പാത” എന്ന അര്ഥം വരുന്ന അറബി പദത്തില് നിന്നാണ് മദാര് ഉരുത്തിരിഞ്ഞത്. ചുറ്റുമുള്ള ആളുകളുടെ സ്വതന്ത്രമായ ചലനത്തെ അത് പ്രതിനിധീകരിക്കുന്നു, സംഗീതം, ഭക്ഷണം, ഗെയിമിംഗ്, ഫിലിം തുടങ്ങിയ മേഖലകളില് ശ്രദ്ധ കേന്ദ്രീകരിക്കും, ഒപ്പം എല്ലാ പ്രായക്കാര്ക്കും വിപുലമായ പ്രവര്ത്തനങ്ങളുമുണ്ട്. ഭക്ഷണപ്രേമികള്ക്കായി 18 വ്യത്യസ്ത ബ്രാന്ഡുകളുള്ള കേന്ദ്രവുമുണ്ട്. പ്ലേസ്കേപ്പിനോട് ചേര്ന്നുള്ള സ്ഥലം സാഹസിക കായിക പ്രേമികള്ക്കുള്ള ഒരു പുതിയ വീടാണ്.
---- facebook comment plugin here -----