Kerala
ബഷീറിനെ കാറിടിച്ച് കൊന്ന കേസ്: ശ്രീറാമും വഫയും ഇന്ന് കോടതിയില് ഹാജരാകും
തിരുവനന്തപുരം | സിറാജ് തിരുവനന്തപുരം യൂണിറ്റ് മേധാവിയായിരുന്ന കെ എം ബഷീറിനെ കാറിടിച്ച് കൊലപ്പെടുത്തിയ കേസ് തിരുവനന്തപുരം ഫസ്റ്റ്ക്ലാസ് ജുഡീഷ്യല് മജിസ്ട്രേറ്റ് കോടതി പരിഗണിക്കും. മദ്യപിച്ച് അമിത വേഗതയില് കാറോടിച്ച മുഖ്യപ്രതി ശ്രീറാംം വെങ്കിട്ടരാമനും സുഹൃത്ത് വഫ ഫിറോസും കോടതിയില് ഹാജരാകും. നേരിട്ട് ഹാജരാകണമെന്ന് തിരുവനന്തപുരം ഫസ്റ്റ്ക്ലാസ് ജുഡീഷ്യല് മജിസ്ട്രേറ്റ് കോടതി മൂന്ന് പ്രതികളോട് ആവശ്യപ്പെട്ടതിന്റെ അടിസ്ഥാനത്തിലാണ് ഇവര് എത്തുന്നത്.
കഴിഞ്ഞ ആഗസ്റ്റ് മൂന്നിന് പുലര്ച്ചെ ഒരു മണിക്കാണ് ബഷീറിനെ പ്രതികള് കാറിടിച്ച് കൊന്നത്.
കേസില് ശ്രീറാം വെങ്കിട്ടരാമനെ ഒന്നാം പ്രതിയാക്കി അന്വേഷണ സംഘം കുറ്റപത്രം സമര്പ്പിച്ചിരുന്നു. അപകടം നടക്കുന്ന സമയത്ത് കാറില് ഒപ്പമുണ്ടായിരുന്ന വഫ ഫിറോസാണ് രണ്ടാം പ്രതി. മനഃപൂര്വ്വമല്ലാത്ത നരഹത്യ, പൊതുമുതല് നശിപ്പിക്കല്, മോട്ടോര് വാഹന വകുപ്പിലെ വിവിധ വകുപ്പുകള് എന്നിവയാണ് പ്രതികള്ക്കെതിരെ ചുമത്തിയിരിക്കുന്നത്.