ഫ്‌ളക്‌സുകള്‍ സ്ഥാപിക്കുന്നവര്‍ക്കെതിരെ ഇനി മുതല്‍ ക്രിമിനല്‍ കേസെടുക്കും

കൊച്ചി | പാതയോരത്തും പൊതു ഇടങ്ങളിലും അനധികൃത ഫ്‌ളക്‌സുകള്‍ സ്ഥാപിക്കുന്നവര്‍ക്കെതിരെ ഇനി മുതല്‍ ക്രിമിനല്‍ കേസെടുക്കും . ഇത് സംബന്ധിച്ച് ഡിജിപി സംസ്ഥാനത്തെ എല്ലാ പോലീസ് സ്റ്റേഷനുകളിലേക്കും സര്‍ക്കുലര്‍ അയച്ചു.

ഫ്‌ലക്‌സ് നിരോധനവുമായി ബന്ധപ്പെട്ട ഹൈക്കോടതി ഉത്തരവുകള്‍ കര്‍ശനമായി നടപ്പാക്കണം. റോഡ് അപകടങ്ങള്‍ക്ക് കാരണമാകുന്ന ഫ്‌ലക്‌സുകളും ബോര്‍ഡുകളും മാറ്റാനും ഡിജിപി നിര്‍ദേശിച്ചു. റോഡ് സുരക്ഷാ അതോറിറ്റി കമ്മീഷണറും ഇത് സംബന്ധിച്ച സര്‍ക്കുലര്‍ ഇറക്കി. ഹൈക്കോടതി നിര്‍ദേശ പ്രകാരം ആണ് ഡിജിപിയും റോഡ് സുരക്ഷ കമ്മീഷണറും സര്‍ക്കുലര്‍ ഇറക്കിയത്. സര്‍ക്കാര്‍ ഹൈക്കോടതിയെ അറിയിച്ചതാണിത്.