പന്തീരങ്കാവ് യുഎപിഎ കേസ്: അലന്‍ ശുഹൈബിന് പരീക്ഷ എഴുതാന്‍ അനുമതി

കൊച്ചി | പന്തീരാങ്കാവ് യുഎപിഎ കേസില്‍ പ്രതിയായ അലന്‍ ശുഹൈബിന് പരീക്ഷ എഴുതാന്‍ കണ്ണൂ സര്‍വകലാശാലയുടെ അനുമതി. ഇക്കാര്യത്തില്‍ 48 മണിക്കൂറിനുളളില്‍ തീരുമാനമെടുക്കണമെന്ന് ഹൈക്കോടതി നിര്‍ദേശിച്ചിരുന്നു. ഇതനുസരിച്ച് ചൊവ്വാഴ്ച നടക്കുന്ന എല്‍ എല്‍ ബി സെമസ്റ്റര്‍ പരീക്ഷ അലന് എഴുതാന്‍ കഴിയും. എന്നാല്‍ ഹാജര്‍ നില കൂടി പരിശോധിച്ചാകും ഫലം പ്രഖ്യാപിക്കുകയെന്ന് സര്‍വകലാശാല വ്യക്തമാക്കിയിട്ടുണ്ട്. .

അലന്‍ ശുഹൈബിന് എല്‍എല്‍ബി പരീക്ഷ എഴുതാനാകുമോ എന്ന കാര്യത്തില്‍ കണ്ണൂര്‍ സര്‍വകലാശാലയോട് നിലപാട് അറിയിക്കാന്‍ കഴിഞ്ഞ ദിവസം ഹൈക്കോടതി നിര്‍ദേശിച്ചിരുന്നു. പരീക്ഷ എഴുതാന്‍ അനുവദിക്കണമെന്ന് ആവശ്യപ്പെട്ട് അലന്‍ ശുബൈഹ് നല്‍കിയ ഹര്‍ജിയിലാണ് തീരുമാനം.

ഈ മാസം 18 ന് നടക്കുന്ന രണ്ടാം സെമസ്റ്റര്‍ എല്‍എല്‍ബി പരീക്ഷ എഴുതാന്‍ അനുമതി തേടിയാണ് അലന്‍ കോടതിയെ സമീപിച്ചത്. കണ്ണൂര്‍ യൂണിവേഴ്‌സിറ്റി പാലയാട് ക്യാമ്പസിലെ വിദ്യാര്‍ത്ഥിയാണ് അലന്‍.