ഷഹീന്‍ബാഗ് പ്രക്ഷോഭകരുടെ മാര്‍ച്ച് പോലീസ് തടഞ്ഞു; വഴിയില്‍ കുത്തിയിരുന്ന് പ്രതിഷേധിക്കുന്നു

ന്യൂഡല്‍ഹി | പൗരത്വ നിയമ ഭേദഗതിക്കെതിരായ പ്രക്ഷോഭത്തിന്റെ ഭാഗമായി ഷഹീന്‍ബാഗ് സമരക്കാര്‍ കേന്ദ്ര ആഭ്യന്തരമന്ത്രി അമിത് ഷായുടെ വസതിയിലേക്ക് നടത്തുന്ന മാര്‍ച്ച് പോലീസ് തടഞ്ഞു. ഇതേ തുടര്‍ന്ന പ്രക്ഷോഭകര്‍ വഴിയില്‍ കുത്തിയിരുന്ന പ്രതിഷേധിക്കുകയാണ്. പോലീസ് അനുമതി നിഷേധിച്ചിട്ടുണ്ടെങ്കിലും മാര്‍ച്ച് നടത്താന്‍ പ്രക്ഷോഭകര്‍ നേരത്തെ തീരുമാനിച്ചിരുന്നു. ബാനറുകളും പതാകകളുമായി സ്ത്രീകള്‍ അടക്കമുള്ളവര്‍ പ്രതിഷേധ പരിപാടിയില്‍ പങ്കെടുക്കുന്നുണ്ട്.

സംഘര്‍ഷാവസ്ഥ കണക്കിലെടുത്ത് അമിത് ഷായുടെ വസതിക്ക് സുരക്ഷ ശക്തമാക്കിയിട്ടുണ്ട്. മാര്‍ച്ച് കടന്നുപോകാന്‍ സാധ്യതയുള്ള റോഡിലെ രണ്ടിടങ്ങളിലായി പോലീസ് ബാരിക്കേഡ് സ്ഥാപിച്ചിരിക്കുകയാണ്. പ്രദേശത്ത് കനത്ത പോലീസ് കാവലാണ് ഏര്‍പ്പെടുത്തിയിട്ടുള്ളത്.