National
മലയാളി വിദ്യാര്ഥിനി യാത്ര ചെയ്ത വിമാനങ്ങളിലെ യാത്രക്കാരെ നിരീക്ഷിക്കാന് നിര്ദേശം
ന്യൂഡല്ഹി | കൊറോണ വൈറസ് ബാധ സ്ഥിരീകരിച്ച മലയാളി വിദ്യാര്ഥിനി സഞ്ചരിച്ച വിമാനത്തിലെ യാത്രക്കാരെ നിരീക്ഷിക്കാന് പുണെ വൈറോളജി ഇന്സ്റ്റിറ്റ്യൂട്ടിന്റെ നിര്ദ്ദേശം. വിദ്യാര്ഥിന് വിമാനത്തില് ഇടപഴകിയ എല്ലാവരെയും കണ്ടെത്തി നിരീക്ഷിക്കാനും നിര്ദേശമുണ്ട്.
ജനുവരി 22നാണ് ചൈന തലസ്ഥാനമായ ബെയ്ജിങില്നിന്ന് വിദ്യാര്ഥിനി കൊല്ക്കത്തയിലേക്കെത്തിയത്. അടുത്ത ദിവസം ഇന്ഡിഗോ വിമാനത്തില്് കൊച്ചിയിലേക്കുമെത്തി. ഈ രണ്ട് വിമാന യാത്രയിലും വിദ്യാര്ഥിനിക്കൊപ്പം സഞ്ചരിച്ച എല്ലാവരെയും കണ്ടെത്തി നിരീക്ഷിക്കും. ഇതില് രോഗബാധ സംശയം തോന്നുന്നവരുടെ സാംപിളുകള് പരിശോധനയ്ക്ക് അയക്കാനും നിര്ദ്ദേശമുണ്ട്.
കൂടുതല് ചികിത്സാ സൗകര്യങ്ങള് കണക്കിലെടുത്ത് വിദ്യാര്ഥിനിയെ വെള്ളിയാഴ്ച രാവിലെ തൃശൂര് ജനറല് ആശുപത്രിയില്നിന്ന് തൃശൂര് മെഡിക്കല് കോളേജിലെ ഐസൊലേഷന് വാര്ഡിലേക്ക് മാറ്റിയിരിക്കുകയാണ്