National
മോദിയെ ശ്രീരാമനെന്നും അമിത് ഷായെ ഹനുമാനെന്നും വിശേഷിപ്പിച്ച് ശിവരാജ് സിംഗ് ചൗഹാന്
ഭോപാല് | പ്രധാന മന്ത്രി നരേന്ദ്ര മോദിയെ ശ്രീരാമനെന്നും അമിത് ഷായെ ഹനുമാനെന്നും വിശേഷിപ്പിച്ച് മധ്യപ്രദേശ് മുന് മുഖ്യമന്ത്രി ശിവരാജ് സിംഗ് ചൗഹാന്. “പൗരത്വ ഭേദഗതി നിയമം (സി എ എ) നടപ്പാക്കുന്നത് തടയാന് ലോകത്തെ ഒരു ശക്തിക്കുമാകില്ല. ഭീഷണികളെ ഭയക്കുന്നയാളല്ല പ്രധാന മന്ത്രി മോദി. അദ്ദേഹം സിംഹമാണ്. മോദി ശ്രീരാമനാണെങ്കില് അമിത് ഷാ ഹനുമാനാണ്.”-ഭോപാലില് സംസാരിക്കവെ ചൗഹാന് പറഞ്ഞതായി വാര്ത്താ ഏജന്സി വ്യക്തമാക്കി.
സി എ എ കൊണ്ടുവന്ന്, 2014 ഡിസംബര് 31നോ അതിനു മുമ്പോ ഇന്ത്യയിലെത്തിയ അഫ്ഗാന്, പാക്കിസ്ഥാന്, ബംഗ്ലാദേശ് എന്നിവിടങ്ങളില് നിന്നുള്ള മുസ്ലിം ഇതര മതവിഭാഗങ്ങള്ക്ക് ഇന്ത്യന് പൗരത്വം നല്കാന് അവസരമൊരുക്കിയ മോദി ദൈവത്തിനു സമാനനാണെന്ന് കഴിഞ്ഞ മാസം ചൗഹാന് ജയ്പൂരില് പറഞ്ഞിരുന്നു.
---- facebook comment plugin here -----