Kerala
പുനസംഘടനപോലെയാണ് സ്ഥാനാര്ഥി നിര്ണയമെങ്കില് ഇടത് മുന്നണിക്ക് ഭരണത്തുടര്ച്ചയുണ്ടാകും; ആഞ്ഞടിച്ച് കെ മുരളീധരന് എംപി
തിരുവനന്തപുരം | കെപിസിസി പുനസംഘടനാ ലിസ്റ്റിനെതിരെ കടുത്ത വിമര്ശവുമായി കെ മുരളീധരന് എംപി. കെപിസിസി പുനസംഘടനാ ലിസ്റ്റ് പോലെയാണ് പഞ്ചായത്ത് അസംബ്ലി തെരഞ്ഞെടുപ്പുകളിലെ സ്ഥാനാര്ഥി നിര്ണ്ണയമെങ്കില് ഇടത് മുന്നണിക്ക് ഭരണ തുടര്ച്ച ഉണ്ടാകുമെന്ന് ത കെ മുരളീധരന്. പഞ്ചായത്തില് തോറ്റാല് അസംബ്ലിയില് ജയിക്കില്ലെന്ന് 101 ശതമാനം ഉറപ്പാണെന്നും കെ മുരളീധരന് വ്യക്തമാക്കി. തിരുവനന്തപുരത്ത് നെയ്യാര് ഡാമില് നടന്ന നേതൃത്വ പരിശീലന ക്യാമ്പിലാണ് കെ മുരളീധരന്റെ രൂക്ഷ വിമര്ശം.
ഇറക്കിയതില് വച്ച് ഭേദപ്പെട്ട ലിസ്റ്റാണ് ഇപ്പോഴുത്തേത്. എല്ലാവര്ക്കും കെപിസിസി മതി. ബൂത്തിലിരിക്കേണ്ട പലരും ഇപ്പോള് കെപിസിസി ഭാരവാഹികളായി. ഇനി ബൂത്തില് ആളുണ്ടാവുമോ എന്നറിയില്ല. വൈസ് പ്രസിഡന്റ് എന്നാല് പ്രസിഡന്റിന്റെ അഭാവത്തില് പദവിയുടെ ഉത്തരവാദിത്തം നിര്വഹിക്കേണ്ട ആളാണ്. അതിനാണ് 12 പേരെന്നും കെ മുരളീധരന് പറഞ്ഞു.