Gulf
പ്രതിപക്ഷ നേതാവിന് ദമാം വിമാനത്താവളത്തില്‍ സ്വീകരണം നല്‍കി
ദമാം | ഒ ഐ സി സി ദമാം റീജ്യണല്‍ കമ്മിറ്റി സംഘടിപ്പിക്കുന്ന മഹാത്മാ ഗാന്ധിയുടെ നൂറ്റിയമ്പതാം വാര്‍ഷികാഘോഷ പരിപാടികളില്‍ പങ്കെടുക്കുന്നതിനായി പ്രതിപക്ഷ നേതാവ് രമേശ് ചെന്നിത്തല ദമാമിലെത്തി. ദമാം കിംഗ് ഫഹദ് ഇന്റര്‍നാഷണല്‍ എയര്‍പോര്‍ട്ടില്‍ എത്തിയ അദ്ദേഹത്തെ ഒ ഐ സി സി ദമാം റീജ്യണല്‍ കമ്മിറ്റിയുടെ നേതൃത്വത്തില്‍ സ്വീകരണം നല്‍കി. ഒ ഐ സി സി ഗ്ലോബല്‍ വൈസ് പ്രസിഡന്റ് അഹമ്മദ് പുളിക്കല്‍, റീജ്യണല്‍ കമ്മിറ്റി പ്രസിഡന്റ് ബിജു കല്ലുമല, നാഷണല്‍ പ്രസിഡന്റ് പി എം നജീബ് എന്നിവര്‍ ചേര്‍ന്നാണ് പ്രതിപക്ഷ നേതാവിനെ സ്വീകരിച്ചത്. ഒ ഐ സി സിയുടെ നിരവധി നേതാക്കളും പ്രവര്‍ത്തകരും വിമാനത്താവളത്തില്‍ എത്തിയിരുന്നു.
രണ്ട് ദിവസത്തെ സന്ദര്‍ശനത്തിനായി എത്തിയ രമേശ് ചെന്നിത്തല ഇന്ന് വൈകുന്നേരം മാധ്യമ പ്രവര്‍ത്തകരുമായി സംവദിക്കും. വെള്ളിയാഴ്ച ദമാമില്‍ ഒ ഐ സി സി റീജ്യണല്‍ കമ്മിറ്റി സംഘടിപ്പിക്കുന്ന സമ്മേളനത്തില്‍ പങ്കെടുക്കും. ഇന്നും നാളെയുമായി വിവിധ സംഘടനാ പ്രതിനിധികളുമായി പ്രതിപക്ഷ നേതാവ് കൂടിക്കാഴ്ച നടത്തുമെന്നും പ്രസിഡന്റ് ബിജു കല്ലുമല അറിയിച്ചു.
Latest
സ്ഥിരമായി നെഞ്ചെരിച്ചില്‍ ഉണ്ടോ! ഈ പഴം ഒന്ന് കഴിച്ചു നോക്കൂ
സിഗരറ്റുകളെക്കാള്‍ അപകടകാരിയാണോ ഇ - സിഗരറ്റ്
വിഡി സതീശന്‍ പെരുംനുണയന്‍, എല്ലാ കാര്യത്തിലും സത്യവിരുദ്ധ നിലപാട്; മന്ത്രി വി ശിവന്‍കുട്ടി
ക്ഷേമപെന്‍ഷനുകള്‍ അവകാശമല്ലെന്ന സര്‍ക്കാര്‍ നിലപാടിനെതിരെ സംസ്ഥാന ഭിന്നശേഷി കമ്മിഷണര്‍
പക്ഷിപ്പനി; പഞ്ചായത്ത് തല സമിതികള്‍ കൂടി മേല്‍നടപടികള്‍ സ്വീകരിക്കും: മന്ത്രി വീണ ജോര്‍ജ്
സൗമ്യ വിശ്വനാഥന്‍ കൊലക്കേസ്; പ്രതികള്‍ക്ക് ജാമ്യം നല്‍കിയതിനെതിരെ മാതാവ് സുപ്രീംകോടതിയില്‍
