അമേരിക്കയില്‍ ചെറുവിമാനം തകര്‍ന്ന് ഒരാള്‍ കൊല്ലപ്പെട്ടു

കാലിഫോര്‍ണിയ | അമേരിക്കയിലെ കാലിഫോര്‍ണിയ-സാന്താ ക്ലാരിറ്റയില്‍ ചെറു വിമാനം തകര്‍ന്നുണ്ടായ അപകടത്തില്‍ ഒരാള്‍ കൊല്ലപ്പെട്ടു. സാന്താ ക്ലാരിറ്റയിലെ 14 ഫ്രീവേക്ക് സമീപം ശനിയാഴ്ച രാവിലെ ടി എം-1 ശ്രേണിയില്‍പെട്ട സിംഗിള്‍ എന്‍ജിന്‍ വിമാനമാണ് തകര്‍ന്നുവീണത്. വിമാനം പൂര്‍ണമായും കത്തിയ നിലയിലായിരുന്നു.

അപകടത്തില്‍ പെട്ട വിമാനത്തില്‍ പൈലറ്റ് മാത്രമാണുണ്ടായിരുന്നത്. ന്യൂഹാളിലെ ന്യൂഹാള്‍ അവന്യൂ എക്‌സിറ്റില്‍ ഇറങ്ങിയ ശേഷം പറന്നുയര്‍ന്ന വിമാനം മരത്തില്‍ തട്ടിയതിനെ തുടര്‍ന്ന് തീപടര്‍ന്നാണ് അപകടമുണ്ടായത്.