International
ഇന്ത്യന്‍ അതിര്‍ത്തിയില്‍ മൊബൈല്‍ സര്‍വീസുകള്‍ നിര്‍ത്തിവച്ച് ബംഗ്ലാദേശ്
ധാക്ക | ഇന്ത്യയുമായി അതിര്‍ത്തി പങ്കിടുന്ന ഭാഗങ്ങളില്‍ മൊബൈല്‍ സര്‍വീസുകള്‍ താത്ക്കാലികമായി നിര്‍ത്തിവെക്കാന്‍ ഉത്തരവിട്ട് ബംഗ്ലാദേശ്. സുരക്ഷാ കാരണങ്ങള്‍ മുന്‍നിര്‍ത്തിയാണ് നടപടിയെന്ന് അധികൃതര്‍ അറിയിച്ചു. മേഖലയില്‍ കഴിയുന്ന ഒരുകോടിയോളം പേരെ ഇത് പ്രതികൂലമായി ബാധിക്കും. ഇന്ത്യയുമായുള്ള അതിര്‍ത്തിയിലെ ഒരുകിലോമീറ്റര്‍ വരുന്ന ഭാഗത്താണ് സര്‍വീസുകള്‍ നിര്‍ത്തിവച്ചതെന്ന് ധാക്ക ട്രൈബ്യൂണ്‍ റിപ്പോര്‍ട്ട് ചെയ്തു.
ടെലികമ്മ്യൂണിക്കേഷന്‍ സേവന ദാതാക്കളായ ഗ്രാമീണ്‍ ഫോണ്‍, ടെലിടോക്ക്, റോബി, ബംഗ്ലാലിങ്ക് എന്നിവയോടാണ് ഇനിയൊരുത്തരവുണ്ടാകുന്നതു വരെ സര്‍വീസ് നിര്‍ത്തിവെക്കാന്‍ ബംഗ്ലാദേശ് ടെലികമ്മ്യൂണിക്കേഷന്‍ റെഗുലേറ്ററി കമ്മീഷന്‍ (ബി ടി ആര്‍ സി) നിര്‍ദേശിച്ചത്. നിലവിലെ സാഹചര്യങ്ങള്‍ കണക്കിലെടുത്തുള്ള സുരക്ഷയുടെ ഭാഗമായാണിതെന്നും നിര്‍ദേശത്തില്‍ വ്യക്തമാക്കിയിട്ടുണ്ട്.
സര്‍ക്കാറിന്റെ ഉന്നതതല യോഗത്തിലാണ് ഈ തീരുമാനം കൈക്കൊണ്ടതെന്ന് ബി ടി ആര്‍ സി ചെയര്‍മാന്‍ ജഹുറുല്‍ ഹഖിനെ ഉദ്ധരിച്ച് ദേശീയ മാധ്യമം വെളിപ്പെടുത്തി. എന്നാല്‍, കൂടുതല്‍ വിശദാംശങ്ങള്‍ നല്‍കാന്‍ ഹഖ് തയാറായില്ല. ഇന്ത്യ പൗരത്വ നിയമ ഭേദഗതി നടപ്പിലാക്കി ദിവസങ്ങള്‍ക്കകമാണ് ബംഗ്ലാദേശ് സര്‍ക്കാറിന്റെ നടപടി.
Latest
കര്‍ണാടകയില്‍ മുഖംമൂടി സംഘം ബേങ്കില്‍ നിന്നും എട്ട് കോടിയും 50 പവനും കവര്‍ന്നു
മലപ്പുറത്ത് വീട്ടില്‍ നിന്നും 20 എയര്‍ ഗണ്ണുകളും മൂന്ന് റൈഫിളുകളും കണ്ടെടുത്തു; വീട്ടുടമസ്ഥന്‍ അറസ്റ്റില്‍
ഹണി ട്രാപ്പ് കേസ് ജയേഷ് പോക്‌സോ കേസിലും പ്രതി
ഓപ്പറേഷൻ സിന്ദൂറിനിടെ മസൂദ് അസറിന്റെ കുടുംബം കൊല്ലപ്പെട്ടതായി സമ്മതിച്ച് ജയ്ഷെ മുഹമ്മദ് ഭീകര സംഘടന
പൊതുപ്രവര്‍ത്തകര്‍ക്കെതിരെ കേസുകള്‍ വരുന്നത് സ്വാഭാവികം, അവരെയൊക്കെ സ്റ്റേഷനിലിട്ട് മര്‍ദ്ദിക്കാമോ ?; മുഖ്യമന്ത്രിയോട് ചോദ്യങ്ങളുമായി രാഹുല്‍
ഇന്ത്യ - യുഎസ് വ്യാപാര ചർച്ച: പോസിറ്റീവെന്ന് വിലയിരുത്തി ഇരു രാജ്യങ്ങളും
